ആശ്വാസമേകി അപ്രതീക്ഷിത മഴ ... മുംബൈയിൽ 2026-നെ വരവേറ്റത് അപ്രതീക്ഷിതമായി എത്തിയ മഴ. വ്യാഴാഴ്ച പുലർച്ചെ നഗരത്തിന്റെ വിവിധ ഭാഗങ്ങളിൽ കനത്ത മഴയാണ് അനുഭവപ്പെട്ടത്. പുതുവർഷത്തിലെ ആദ്യ സൂര്യോദയത്തിന് പകരം മഴമേഘങ്ങളെ കണ്ടാണ് മുംബൈ നിവാസികൾ ഉണർന്നത്.

നഗരത്തിൽ പുലർച്ചെ ആറ് മണിയോടെയാണ് മഴ ആരംഭിച്ചത്. മുംബൈ ഐലൻഡ് സിറ്റി ഉൾപ്പെടെയുള്ള മേഖലകളിൽ ശക്തമായ മഴ ലഭിച്ചപ്പോൾ മറ്റ് പലയിടങ്ങളിലും ചാറ്റൽ മഴയായിരുന്നു. ഏകദേശം 6.15-ഓടെ മഴയുടെ തീവ്രത കുറഞ്ഞെങ്കിലും കാലാവസ്ഥാ മാറ്റം നഗരവാസികൾക്ക് വലിയ അമ്പരപ്പാണ് ഉണ്ടാക്കിയത്. അപ്രതീക്ഷിതമായെത്തിയ മഴ മുംബൈയിലെ ചൂടിന് ആശ്വാസമേകുകയും ചെയ്തു.