ഇന്ത്യയില് ബുള്ളറ്റ് ട്രെയിനുകള് 2027 മുതല് ഓടിത്തുടങ്ങും
2027 ലെ സ്വാതന്ത്ര്യ ദിനത്തില് ബുള്ളറ്റ് ട്രെയിന് ആരംഭിക്കുമെന്ന് റെയില്വേ മന്ത്രി അശ്വിനി വൈഷ്ണവ്. ഗതാഗത അടിസ്ഥാന സൗകര്യങ്ങളില് ഇന്ത്യ ഒരു ചരിത്ര നാഴികക്കല്ലിന് സാക്ഷ്യം വഹിക്കാന് ഒരുങ്ങുകയാണെന്ന് റെയില്വേ മന്ത്രി അശ്വിനി വൈഷ്ണവ് പറഞ്ഞു.മുംബൈയ്ക്കും അഹമ്മദാബാദിനും ഇടയില് 508 കിലോമീറ്റര് ദൈര്ഘ്യമുള്ള ഈ പദ്ധതി, ഇന്റര്സിറ്റി യാത്രയില് വിപ്ലവം സൃഷ്ടിക്കുമെന്നും യാത്രാ സമയം ഗണ്യമായി കുറയ്ക്കുമെന്നും ഇന്ത്യയില് ലോകോത്തര ഹൈ സ്പീഡ് റെയില് മാനദണ്ഡങ്ങള് അവതരിപ്പിക്കുമെന്നും അദ്ദേഹം വ്യക്തമാക്കി.
മുംബൈഅഹമ്മദാബാദ് ഹൈസ്പീഡ് റെയില് (എംഎഎച്ച്എസ്ആര്) ഇടനാഴി ഘട്ടം ഘട്ടമായി ഉദ്ഘാടനം ചെയ്യുമെന്ന് മന്ത്രി വൈഷ്ണവ് പറഞ്ഞു. സൂറത്ത് മുതല് ബിലിമോറ വരെ ആദ്യ ഭാഗം തുറക്കും. വാപ്പി മുതല് സൂററ്റ് വരെ അടുത്ത ഘട്ടം. വാപ്പി മുതല് അഹമ്മദാബാദ് വരെ മൂന്നാം ഘട്ടം. താനെ മുതല് അഹമ്മദാബാദ് വരെ തുടര്ന്നുള്ള ഘട്ടം. മുംബൈ മുതല് അഹമ്മദാബാദ് വരെ അവസാന ഭാഗം. എന്നാണ് കേന്ദ്രമന്ത്രി പ്രഖ്യാപിച്ചത്.
https://www.facebook.com/Malayalivartha
