ഇന്ത്യയിലെ പ്രായം കുറഞ്ഞ കൊലപാതകി ഈ എട്ടുവയസുകാരനാണ്. ബീഹാറിലെ മുഷ് ഹാരി സ്വദേശി അമര്‍ജിത്ത് സാദാ . ഇന്ത്യയിലെ ഏറ്റവും പ്രായം കുറഞ്ഞ സൈക്കോ കില്ലര്‍. വെറും 8 വയസിനുള്ളില്‍ മൂന്ന് കൊലപാതങളാണ് ഇവന്‍ ചെയ്തത്. എട്ടുമാസം പ്രായമുള്ള സ്വന്തം സഹോദരിയും ആറുമാസമുള്ള ഒരു കുട്ടിയും ഈ കുഞ്ഞിക്കൈകളില്‍ ഞെരിഞ്ഞമര്‍ന്നു.
2006ല്‍ ആണ് ഈ കൊലപാതകങ്ങള്‍ നടക്കുന്നത്. സ്വന്തം കുടുബത്തിലെ ആറു മാസം പ്രായമുള്ള ഒരു കുഞ്ഞായിരുന്നു ആദ്യ ഇര. കുറച്ചു മാസങ്ങള്‍ക്കു ശേഷം എട്ടു മാസം പ്രായമുള്ള സ്വന്തം അനിയത്തിയെ.. ഈ രണ്ടു കൊലപാതകങ്ങളും വീട്ടുകാര്‍ക്കും മറ്റും അറിയാമായിരുന്നു എന്നതാണു ഞെട്ടിക്കുന്ന സത്യം. ഈ കുട്ടികളെ അടുത്തുള്ള വയലില്‍ കൊണ്ടുപോയി ഇഷ്ടിക കൊണ്ടു തലക്കടിച്ച് കൊല്ലുകയായിരന്നു. ഈ വിവരം ഒരു മടിയുമില്ലാതെ വീട്ടുകാരോട് പറയുകയും മറവുചെയ്ത സ്ഥലം കാണിച്ചു കൊടുക്കുകയും ചെയ്തു.. ഇത് അവര്‍ പുറത്തറിക്കാതെ രഹസ്യമാക്കിവക്കുകയും ചെയ്തു..

അവന്റെ മൂന്നാമത്തെ ഇര കുഷ്ബൂ എന്ന 6 മാസം പ്രായമുള്ളകുഞ്ഞായിരുന്നു. ജോലി കഴിഞ്ഞു വന്ന അമ്മ ചുന്‍ചുന്‍ ദേവിയുടെ കരച്ചില്‍ കേട്ടാണ് ഗ്രാമവാസികള്‍ ഓടി എത്തുന്നത്. എല്ലാവരും കുഞ്ഞിനെ തിരഞ്ഞിറങ്ങി. കൂടെ അമര്‍ ജീത്തും.. ആദ്യത്തെ കൊലപാതകങ്ങളിലെ ദുരൂഹതകള്‍ ഗ്രാമവാസികളില്‍ സംശയം ഉണ്ടാക്കിയിരുന്നു.. വീട്ടുകാര്‍ അമര്‍ജീത്തിനെ ഒളിപ്പിച്ചു. അതോടെ ഗ്രാമവാസികളുടെ സംശയം ഉറപ്പായി . അവര്‍ അമര്‍ജീത്തിനെ കൈയ്യോടെ പിടികൂടി. അപ്പോഴും ഒരു ചെറു ചിരിയോടെ അവന്‍ ആ കുഞ്ഞിനെ കുഴിച്ചു മൂടിയ സ്ഥലവും ചോര പുരണ്ട ഇഷ്ടികക്കട്ടയും കാണിച്ചു കൊടുത്തു. പിന്നീട് പോലീസെത്തി.
പോലീസുകൊരോടും വളരെ സഹകരണഭാവത്തിലായിരുന്നു അവന്‍. കൊന്ന വിധവും മറ്റും അവന്‍ വിവരിച്ചു..ഒരു കൂസലും ഇല്ലാതെ.. ഓരോ ഉത്തരത്തിനു ശേഷം ഒരു ചിരിയും പിന്നെ ഒരു ബിസ്‌കറ്റും അവന്‍ ആവശ്യപ്പെട്ടത്രേ..