ഇന്ക്രഡിബിള് ഇന്ത്യയുടെ പുതിയ ബ്രാന്ഡ് അബാസിഡര് നരേന്ദ്രമോഡി, അമിതാഭ് ബച്ചന് ഉള്പ്പെടെയുള്ള ബോളിവുഡ് സൂപ്പര്താരങ്ങളെ തഴഞ്ഞാണ് മോഡിയെ ടൂറിസം വകുപ്പ് തീരുമാനിച്ചത്
'ഇന്ക്രഡിബിള് ഇന്ത്യ'യുടെ പുതിയ ബ്രാന്ഡ് അബാസിഡറായി നരേന്ദ്രമോഡിയെ തിരഞ്ഞെടുത്തു. അമിതാഭ് ബച്ചന് ഉള്പ്പെടെയുള്ള ബോളിവുഡ് സൂപ്പര്താരങ്ങളെ തഴഞ്ഞാണ് മോഡിയെ ഇന്ക്രെഡിബിള് ഇന്ത്യ പ്രചാരണ പരിപാടിയുടെ അബാസിഡറാക്കാന് ടൂറിസം വകുപ്പ് തീരുമാനിച്ചത്. ആമിര് ഖാനായിരുന്നു ഇന്ക്രഡിബിള് ഇന്ത്യയുടെ ഏറ്റവും അവസാനത്തെ ബ്രാന്ഡ് അംബാസഡര്.
നടന് അമിതാഭ് ബച്ചനെ ഇന്ക്രഡിബിള് ഇന്ത്യ ടൂറിസം അംബാസഡറായി നിയമിക്കാനുള്ള നീക്കം വിവാദമായതോടെ സര്ക്കാര് പിന്വാങ്ങിയിരുന്നു. വിദേശത്ത് കള്ളപ്പണം വെളുപ്പിക്കാന് നല്കിയവരുടെ പട്ടികയുമായി വന്ന പാനമ പേപ്പറുകളില് ബച്ചന്റെ പേര് വന്നതിന് പിന്നാലെ ഉണ്ടായ വിവാദങ്ങളായിരുന്നു തീരുമാനത്തിലേക്ക് എത്തിച്ചത്. പ്രചരണത്തിന് ഏറ്റവും അനുയോജ്യമായ മുഖം മോഡിയുടേതാണെന്ന് കേന്ദ്ര വിനോദസഞ്ചാരവകുപ്പ് മന്ത്രി മഹേഷ് ശര്മ്മ അഭിപ്രായപ്പെട്ടു.
മോഡി സന്ദര്ശിച്ച വിദേശരാജ്യങ്ങളില് നിന്ന് ഇന്ത്യയിലേക്കുള്ള സന്ദര്ശകരുടെ എണ്ണത്തിലും വര്ധനവുണ്ടായിട്ടുണ്ടെന്ന് അദ്ദേഹം പറഞ്ഞു. ഇന്ത്യയിലും വിദേശത്തുമായി കഴിഞ്ഞ രണ്ടര വര്ഷത്തിനിടെ ടൂറിസവുമായി ബന്ധപ്പെട്ട് മോഡി നടത്തിയ പ്രസംഗങ്ങളുടെ ദൃശ്യങ്ങള് ഇന്ക്രെഡിബിള് ഇന്ത്യ പ്രചാരണത്തിന്റെ ഭാഗമായി ഉപയോഗിക്കുമെന്ന് അദ്ദേഹം വ്യക്തമാക്കി.
https://www.facebook.com/Malayalivartha
