ബോറടിമാറ്റാന്‍ ഡാന്‍സ് ഉത്തമം. പരിസരം മറന്ന് ആടിത്തിമര്‍ക്കുന്ന കാക്കികലാകാരിയെ പരിചയപ്പെടാം.
യൂണിഫോമിലുള്ള വനിതാ പൊലീസിന്റെ നൃത്ത വീഡിയോ സമൂഹമാധ്യമങ്ങളില്‍ വൈറലാവുന്നു കാക്കിക്കുള്ളിലെ കലാഹൃദയം എന്ന പ്രയോഗത്തെ അനുസ്മരിപ്പിക്കുന്ന ഈ പ്രകടനം ഹരിയാനയില്‍ നിന്നുള്ള ഒരു പൊലീസുകാരിയുടേതാണ്. പരിസരം മറന്ന് നൃത്തം ചെയ്യുന്ന വനിതാ പൊലീസുകാരിയാണ് വീഡിയോയില്‍ ഉള്ളതെന്ന് ദേശീയ മാധ്യമങ്ങളടക്കം റിപ്പോര്‍ട്ട് ചെയ്യുന്നു. ഹരിയാണ്‍വി ഭാഷയിലുള്ള ഗാനത്തിനാണ് ഈ കലാകാരി ചുവടു വച്ചത്. ആരാണ് ഈ പൊലീസുകാരി എന്നതിനെ സംബന്ധിച്ച വിവരങ്ങള്‍ ലഭ്യമല്ല. തെരഞ്ഞടുപ്പ് ജോലിക്കായി നിയോഗിക്കപ്പെട്ട പൊലീസുകാരിലൊരാളാണ് ഈ ഡ്യൂട്ടിക്കിടയിലെ ബോറടി മാറ്റാനാണ് ഇവര്‍ പാട്ടു വെച്ച് നൃത്തം ചെയ്തത് എന്നാണ് അറിയുന്നത്. രണ്ട് മിനുറ്റ് അഞ്ച് സെക്കന്റ് ദൈര്‍ഘ്യമുള്ള വീഡിയോ ഇതിനോടകം നിരവധിപേരാണ് കണ്ടു കഴിഞ്ഞത്.