ബാങ്കില് നോട്ട് മാറാന് വന്ന സ്ത്രീകള് തമ്മില് വമ്പനടി!
ബാങ്കുകള്ക്കും എടിഎമ്മുകള്ക്കും മുന്നില് തിരക്കു വര്ധിക്കുന്നതിനിടെ, ഡല്ഹിയിലെ ബാങ്കില് പണമിടപാടുകള് നടത്താനെത്തിയ സ്ത്രീകള് തമ്മില് തല്ലുകൂടുന്നതിന്റെ ദൃശ്യങ്ങള് പുറത്ത്. ക്യൂവിനിടയില് കയറാന് നോക്കിയ സ്ത്രീയെ മറ്റൊരു സ്ത്രീ തടയാന് ശ്രമിച്ചതാണ് കയ്യാങ്കളിയിലേക്ക് നീങ്ങിയത്. ഇരുവരും തമ്മില് അടിപിടിയായതോടെ മറ്റുള്ളവര് ചേര്ന്ന് പിടിച്ചു മാറ്റി. ബാങ്കിലെ സുരക്ഷാ ജീവനക്കാരന് നോക്കിനില്ക്കെയായിരുന്നു സംഭവം.പണമിടപാടുകള് നടത്താനായി രാജ്യതലസ്ഥാനത്തെ ബാങ്കുകള്ക്കു മുന്പില് വലിയ തിരക്കാണ് അനുഭവപ്പെടുന്നത്. പഴയ നോട്ടുകള് മാറാനും നിക്ഷേപിക്കാനുമായി നൂറുകണക്കിനുപേരാണ് ബാങ്കുകളില് എത്തിക്കൊണ്ടിരിക്കുന്നത്. പല സ്ഥലങ്ങളിലും ജനങ്ങളുടെ തിരക്ക് സംഘര്ഷത്തിലേക്ക് നീങ്ങുന്നുണ്ട്. മണിക്കൂറുകളോളം ബാങ്കിനു മുന്നില് കാത്തുനില്ക്കുന്ന ജനങ്ങള് പണം കിട്ടാതെ വരുന്നതോടെ രോഷാകുലരായി മാറുകയാണ്.
ആവശ്യത്തിന് പണമില്ലാത്തതിനാല് പല ബാങ്കുകളും ആളുകളെ അകത്തേക്ക് കടത്തിവിടുന്നില്ല. മിക്ക എടിഎമ്മുകളിലും പണം തീര്ത്തു. ഇതേത്തുടര്ന്ന് ആളുകള് ബാങ്കുകളിലേക്കാണ് എത്തിക്കൊണ്ടിരിക്കുന്നത്. ആവശ്യത്തിന് പണം ലഭ്യമാക്കാനുള്ള നടപടികള് കേന്ദ്രസര്ക്കാര് സ്വീകരിച്ചില്ലെങ്കില് വരും ദിവസങ്ങളില് രാജ്യത്തെ ക്രമസമാധാനനില തകരുന്ന നിലയിലേക്ക് സ്ഥിതിഗതികള് എത്തുമെന്നുറപ്പാണ്.
https://www.facebook.com/Malayalivartha
