ജയില് ചാടിയ ഖാലിസ്താന് നേതാവ് പിടിയില്; അഞ്ചുപേരെ കണ്ടെത്താനായില്ല
പഞ്ചാബില് ജയില് ആക്രമിച്ച് മോചിപ്പിച്ച ഖാലിസ്താന് നേതാവ് ഹര്മിന്ദര് സിങ് മിന്റു പൊലീസ് പിടിയില്. ഡല്ഹിക്ക് സമീപം ഇന്ന് രാവിലെയാണ് മിന്റുവിനെ പിടികൂടിയത്. രക്ഷപ്പെട്ട മറ്റ് അഞ്ചുപേരെ കണ്ടെത്താന് പൊലീസിനായില്ല.
പൊലീസ് വേഷത്തിലെത്തിയ ആയുധധാരികളായ സംഘം ഇന്നലെ ജയില് ആക്രമിച്ചാണ് മിന്റുവിനെയും മറ്റുള്ളവരെയും മോചിപ്പിച്ചത്. പഞ്ചാബിലെ നാഭാ സെന്ട്രല് ജയിലിലായിരുന്ന മിന്റുവും മറ്റുള്ളവരും. 49 വയസ്സുള്ള മിന്റുവിനെതിരെ 10ലേറെ തീവ്രവാദ കേസുകളാണ് രജിസ്റ്റര് ചെയ്തിട്ടുള്ളത്. ദേരാ സചാ സൗധാ മേധാവി ഗുര്മീത് രാം റഹീമിനെ ആക്രമിച്ചത് ഉള്പ്പടെയുള്ള കേസുകള് ഇതിലുണ്ട്. ഡല്ഹിയ ഐജിഐ വിമാനത്താവളത്തിന് സമീപത്ത് വെച്ച് 2014 നവംബറിലായിരുന്നു മിന്റൂവിനെ ആദ്യം അറസ്റ്റ് ചെയ്തിരുന്നത്.
ഖലിസ്താന് വിഘടന വാദ പ്രസ്ഥാനത്തെ പുനരുജ്ജീവിപ്പിക്കാന് മിന്റു ശ്രമിക്കുന്നതായും ഇതിന് പാകിസ്താന് ഐഎസ്ഐയുടെ പിന്തുണ തേടിയതായും പൊലീസ് പറയുന്നു.
ജയില് ആക്രമിച്ച് മിന്റുവിനെയും മറ്റുള്ളവരെയും മോചിപ്പിച്ചതിനെ തുടര്ന്ന ജയില് ഡിജിപിയെ ഇന്നലെ സസ്പെന്റ് ചെയ്തിരുന്നു. സംഭവത്തില് പഞ്ചാബ് സര്ക്കാരിന്റെ വീഴ്ചയ്ക്കെതിരെ പ്രതിപക്ഷം രംഗത്തെത്തി.
https://www.facebook.com/Malayalivartha
