മാവോയിസ്റ്റുകളുടെ മൃതദേഹം വീണ്ടൂം പോസ്റ്റുമോര്ട്ടം നടത്തണമെന്ന ഹര്ജി ഇന്നു പരിഗണനയില്
നിലമ്പൂര് വനത്തില് പൊലീസ് വെടിവയ്പില് കൊല്ലപ്പെട്ട മാവോയിസ്റ്റുകളുടെ മൃതദേഹം വീണ്ടൂം പോസ്റ്റുമോര്ട്ടം
നടത്തണമെന്ന ഹര്ജി ഇന്ന് കോടതി പരിഗണിക്കും. ചെന്നൈയിലെ ഫോറന്സിക് വിദഗ്ധന് ഡോ. എന്.ആര്. പൃഥ്വിരാജന്റെ സാന്നിധ്യത്തില് വീണ്ടും പോസ്റ്റുമോര്ട്ടം നടത്തണമെന്നാണ് ബന്ധുക്കളുടെ ആവശ്യം. കോഴിക്കോട് മെഡിക്കല് കോളജില് നിലവില് നടത്തിയ പോസ്റ്റുമോര്ട്ടത്തില് വിശ്വാസമില്ലെന്നും ചെന്നൈയിലെ വിദഗ്ധ ഫോറന്സിക് സര്ജന് ഡോ.എന്.ആര്. പൃഥ്വിരാജിന്റെ സാന്നിധ്യത്തില് വീണ്ടും പോസ്റ്റുമോര്ട്ടം വേണമെന്നുമാണ് കൊല്ലപ്പെട്ട കുപ്പു ദേവരാജിന്റെ സഹോദരന് ശ്രീധരന് സമര്പ്പിച്ച ഹര്ജി.
അന്വേഷണ ഉദ്യോഗസ്ഥര് ഈ ആവശ്യം കോടതിയില് എതിര്ക്കാന് സാധ്യതയില്ല. നിലവില് നടന്ന പോസ്റ്റുമോര്ട്ടം റിപ്പോര്ട്ടു പോലും കിട്ടും മുന്പേ വീണ്ടും പോസ്റ്റുമോര്ട്ടം വേണമെന്ന ആവശ്യത്തില് കോടതി എന്തു നിലപാട് സ്വീകരിക്കുമെന്നാണ് അറിയേണ്ടത്. കൊല്ലപ്പെട്ട കുപ്പു ദേവരാജിന്റേയും കാവേരി എന്ന അജിതയുടേയും മൃതദേഹങ്ങള് അടുത്ത മാസം അഞ്ചാം തീയതി വരെ സൂക്ഷിക്കണമെന്ന് മഞ്ചേരി ജില്ലാ സെഷന്സ് കോടതി ഉത്തരവിട്ടിരുന്നു. സാധാരണ നടപടിക്രമങ്ങളുടെ ഭാഗമായി കേസ് അന്വേഷിക്കുന്ന െ്രെകംബ്രാഞ്ച് സംഘം തെളിവ് ശേഖരണം ആരംഭിച്ചു.
https://www.facebook.com/Malayalivartha
