അവതാരകരായെത്തുന്ന പല നടിമാരും ഉപദേശം നല്കാന് അര്ഹതയുള്ളവര് അല്ലെന്ന് നടിയും, അഭിഭാഷകയുമായ രഞ്ജിനി
കുടുംബപ്രശ്നങ്ങള് തീര്ക്കാനായി പരാതിക്കാരെയും എതിര്കക്ഷികളെയും വിളിച്ചിരുത്തി വാദപ്രതിവാദങ്ങള് കേട്ടു വിധിയെഴുതുന്ന പരിപാടികള് വിവിധാ ചാനലുകളിലായി സംപ്രേക്ഷണം ചെയ്തുവരുന്നുണ്ട്. പലപ്പോഴും പല പരാതിക്കാരുടെയും സ്വകാര്യതയെപ്പോലും മാനിക്കാത്ത വിധത്തിലുള്ള ഈ പരിപാടികള് അതിന്റെ നിയന്ത്രണം വിടുന്നതും കാണാം. ഇത്തരം പരിപാടികളോടുള്ള അമര്ഷം വ്യക്തമാക്കി അവയ്ക്കു മുന്നില് ബലിയാടുകളാവരുതെന്നു പറയുകയാണ് നടിയും അഭിഭാഷകയുമായ രഞ്ജിനി. തമിഴ് ചാനലില് സംപ്രേക്ഷണം ചെയ്തുവരുന്ന നിജങ്കള് എന്ന ഷോ നടക്കുന്നതിനിടയില് നടി ഖുശ്ബു പരിപാടിയില് വന്നയാളുടെ ഷര്ട്ടിനു പിടിച്ച് ചീത്തവിളിക്കുന്ന ഫോട്ടോകള് സഹിതം നല്കിയാണ് രഞ്ജിനി തന്റെ പ്രതിഷേധം ഫേസ്ബുക്കിലൂടെ പ്രകടിപ്പിച്ചത്. ഇത്തരത്തിലുള്ള പരിപാടികളില് അവതാരകരായെത്തുന്ന പല നടിമാരും ഉപദേശം നല്കാന് അര്ഹതയുള്ളവര്പോലും അല്ലെന്നും രഞ്ജിനി തന്റെ ഫേസ്ബുക് പോസ്റ്റില് പറയുന്നു
രഞ്ജിനിയുടെ ഫേസ്ബുക് പോസ്റ്റിന്റെ പൂര്ണരൂപം
കൗണ്സിലിംഗ് എന്ന പേരില് വിവിധ ഭാഷകളിലെ ചാനലുകളില് നടക്കുന്ന പരിപാടികള് ലജ്ജാവഹമാണ്. സണ്ടിവിയില് ടെലികാസ്റ്റ് ചെയ്തുവരുന്ന നിജങ്കള് എന്ന പരിപാടിയില് നിന്നുള്ള ക്ലിപുകള് ആണിത്. നടി ഖുശ്ബു പരിപാടിയില് വന്നയാളുടെ ഷര്ട്ടില്പിടിച്ച് ഉറക്കെ ഷൗട്ട് ചെയ്യുന്നു. ഇതാണോ കൗണ്സിലിംഗ്?
ഇതു ഭീഷണിയും ആക്രമണവും അധിക്ഷേപവും ലിംഗവിവേചനവും ചൂഷണവുമൊക്കെയാണ്. ദയവുചെയ്ത് ജനങ്ങള് ഇത്തരം പരിപാടികളില് ബലിയാടുകളാവരുത്. ഇതു നിങ്ങളെ സഹായിക്കുകയല്ല ചെയ്യുന്നത് മറിച്ച് നിങ്ങളുടെ കുടുംബത്തെയാകെ പൊതുമധ്യത്തില് തരംതാഴ്ത്തുകയാണ്, എന്നിട്ട് ചാനലുകള് നിങ്ങളിലൂടെ പണം ഉണ്ടാക്കുന്നു.
വളരെ ദു:ഖത്തോടെ തന്നെ പറയട്ടെ ഈ പരിപാടികള് അവതരിപ്പിക്കുന്ന ചില നടികള് പരിപാടിയിലെത്തുന്ന സാധാരണക്കാര്ക്ക് കൗണ്സിലിംഗ് നല്കാന് പോലും അര്ഹതയുള്ളവരല്ല. ഇത്തരം സാഹചര്യങ്ങളില് കൗണ്സിലിംഗ് ഓര്ഗനൈസേഷനുകളെ സമീപിക്കുക അവിടങ്ങളില് കോടതിയില് എത്തുന്നതുവരെ ചിലവുകളും തീര്ത്തും സൗജന്യമാണ്. കോടതിക്കു മുന്നില് എത്തുംമുമ്പ് ഖുശ്ബു ഇയാളോട് പരസ്യമായി ക്ഷമ ചോദിക്കുമെന്നാണു ഞാന് പ്രതീക്ഷിക്കുന്നത്.
https://www.facebook.com/Malayalivartha
