വിസ, സൈബര് സുരക്ഷ, നിക്ഷേപം സംബന്ധിച്ച കരാറുകളില് ഇന്ത്യയും ഖത്തറും ഒപ്പുവെച്ചു
ഇന്ത്യയും ഖത്തറും തമ്മില് സുപ്രധാനമായ മൂന്ന് കരാറുകളില് ഒപ്പുവെച്ചു. വിസ, സൈബര് സുരക്ഷ, നിക്ഷേപം എന്നീ മേഖലകള് സംബന്ധിച്ച കരാറുകളിലാണ് ഇരുരാജ്യങ്ങളും ഒപ്പുവച്ചു.
പ്രധാനമന്ത്രി നരേന്ദ്ര മോദിയും ഖത്തര് പ്രധാനമന്ത്രി ഷെയ്ക്ക് അബ്ദുള്ള ബെന് നസ്റി ബിന് ഖലീഫ അല്താനിയും തമ്മില് നടത്തിയ കൂടിക്കാഴ്ചയ്ക്കു ശേഷമാണ് തന്ത്രപ്രധാനമായ കരാറുകളില് ഇരുരാജ്യങ്ങളും ഒപ്പുവച്ചത്. വിദേശകാര്യ മന്ത്രാലയ വക്താവ് വികാസ് സ്വരുപാണ് ഇക്കാര്യം അറിയിച്ചത്.
വെള്ളിയാഴ്ച ഇന്ത്യയിലെത്തിയ ഖത്തര് പ്രധാനമന്ത്രി ഇന്ത്യയിലെ വ്യവാസായികളുമായി കുടിക്കാഴ്ച നടത്തിയിരുന്നു. തന്റെ ഇന്ത്യാ സന്ദര്ശനം ഇരുരാജ്യങ്ങളും തമ്മിലുള്ള ബന്ധം കൂടുതല് ഊഷ്മളമാക്കുന്നതിന് വഴിതെളിയിക്കുമെന്നും അദ്ദേഹം പറഞ്ഞു.
യൂറിയ വിതരണത്തിന് ഖത്തറുമായി ദീര്ഘകാല കരാറിന് ഇന്ത്യ തയാറാണ്. 2022ലെ ഫിഫ ലോകകപ്പ് മത്സരത്തിന് ആതിഥ്യം വഹിക്കുന്നത് ഖത്തറാണെന്ന് പ്രധാനമന്ത്രി ഷെയ്ഖ് അബ്ദുല്ല ബിന് നാസര് ബിന് ഖലീഫ അല്താനി ഓര്മിപ്പിച്ചു. ഇതുമായി ബന്ധപ്പെട്ട വികസന പദ്ധതികളില് ഇന്ത്യയ്ക്ക് പങ്കാളികളാകാം.
ഖത്തറിലെ തുറമുഖ മേഖലയിലും ഇന്ത്യയുടെ നിക്ഷേപം സ്വാഗതാര്ഹമാണെന്ന് അദ്ദേഹം പറഞ്ഞു. ഖത്തറുമായി ഏറ്റവും കൂടുതല് വ്യാപാരബന്ധമുള്ള അഞ്ചു രാജ്യങ്ങളിലൊന്നാണ് ഇന്ത്യ. ഇറാഖ്, സിറിയ, യെമന് എന്നിവിടങ്ങളിലെ സ്ഥിതിഗതികളും ചര്ച്ചാവിഷയമായി. വീസ നിയന്ത്രണങ്ങള് ഉദാരമാക്കുന്നതിന് രണ്ടു കരാറുകളിലും സൈബര് സഹകരണത്തിനും സൈബര് കുറ്റകൃത്യങ്ങള് തടയാനുമുള്ള കരാറിലും ഒപ്പുവച്ചു. ഇന്ത്യയില് നിന്ന് പൊതുമേഖലയുടേതെന്ന പോലെ സ്വകാര്യ മേഖലയുടെയും സഹകരണം ഖത്തര് പ്രതീക്ഷിക്കുന്നതായി വ്യവസായികളുമായി നടന്ന ചര്ച്ചയില് ഖത്തര് പ്രധാനമന്ത്രി പറഞ്ഞു. പ്രമുഖ വ്യവസായി എം.എ.യൂസഫലിയും പ്രധാനമന്ത്രിയോടൊപ്പം വേദിയിലുണ്ടായിരുന്നു.
https://www.facebook.com/Malayalivartha
