ജനങ്ങള് നട്ടം തിരിയുമ്ബോള് വീണ്ടും ആഡംബര കല്യാണം; നിതിന് ഗഡ്കരിയുടെ മകളുടെ വിവാഹ വേദിയിലെത്താന് 50 ചാര്ട്ടര് ഫ്ളൈറ്റുകള്
രാജ്യത്തെ സാധാരണക്കാരെല്ലാം നോട്ടു ദുരിതത്തില് നോട്ടോട്ടമോടുമ്ബോള് കേന്ദ്ര നേതൃത്വത്തിന്റെ ധൂര്ത്ത് പട്ടിക കൂടി വരുന്നു. ബിജെപിയുടെ ദേശീയ നേതാവും കേന്ദ്രമന്ത്രിയുമായ നിതിന് ഗഡ്കരിയെയും നോട്ട് അസാധുവാക്കല് തീരെ ബാധിച്ചിട്ടില്ല. മകളുടെ വിവാഹം പൊടിപൊടിക്കാനാണ് ഗഡ്കരിയുടെ തീരുമാനം. വിവാഹത്തിന് ക്ഷണിച്ചിരിക്കുന്നത് പതിനായിരത്തിലധം അതിഥികളെയാണ്. ഞായറാഴ്ച്ച ഉച്ചതിരിഞ്ഞ് വിവിഐപികളെ വിവാഹ വേദിയിലെത്തിക്കാന് ഒരുക്കിയിരിക്കുന്നത് 50 ചാര്ട്ടര് ഫ്ളൈറ്റുകളും.
കേന്ദ്ര ആഭ്യന്തര മന്ത്രി രാജ്നാഥ് സിങ്, ബിജെപി ദേശീയ അധ്യക്ഷന് അമിത് ഷാ, വ്യവസായ പ്രമുഖരായ മുകേഷ് അംബാനി, രത്തന് ടാറ്റ, ശിവസേന ചീഫ് ഉദ്ധവ് താക്കറെ, മറ്റു കേന്ദ്രമന്ത്രിമാര്, മുഖ്യമന്ത്രിമാര് തുടങ്ങിയവരാണ് വിവിഐപി അതിഥികള്.
മുതിര്ന്ന ബിജെപി നേതാവ് എല്കെ അദ്ധ്വാനിയ്ക്കും മഹാരാഷ്ട്ര നവനിര്മ്മാണ് സേനാ തലവന് രാജ് താക്കറെയ്ക്കും വിവിഐപികളുടെ പട്ടികയില് ഇടമുണ്ട്. ഡിസംബര് മൂന്നിനും നാലിനും നാഗ്പൂരിലേക്ക് എവിടെ നിന്നും വിമാന ടിക്കറ്റുകള് ലഭ്യമല്ലെന്നതാണ് ശ്രദ്ധേയമായ മറ്റൊരു കാര്യം. നാഗ്പൂരിലെ സാന്ധ്യരവീന്ദ്ര കാസ്ഖേദികര് ദമ്ബതികളുടെ മകന് ആദിത്യയാണ് ഗഡ്കരിയുടെ ഇളയപുത്രി കേത്കിയുടെ വരന്. അമേരിക്കയിലെ ഫേസ്ബുക്ക് ജീവനക്കാരനാണ് ആദിത്യ.
ആര്എസ്എസ് തലവന് മോഹന് ഭഗവത്, കോണ്ഗ്രസ് ഉപാധ്യക്ഷന് രാഹുല് ഗാന്ധി, ബീഹാര് മുഖ്യമന്ത്രി നിതീഷ് കുമാര്, സിനിമാ താരങ്ങളായ അമിതാഭ് ബച്ചന്, ഹേമ മാലിനി, എന്സിപി തലവന് ശരദ് പവാര്, പ്രമുഖ വ്യവസായി കുമാര മംഗലം ബിര്ള എന്നിവര്ക്കും വിവാഹക്ഷണമുണ്ട്. നാഗ്പൂരിലെ വാര്ധ റോഡിലുള്ള റാണി കോത്തിയില് വെച്ചാണ് വിവാഹം. 2010 ഡിസംബറില് നാഗ്പൂരില് വെച്ച് നടന്ന ഗഡ്കരിയുടെ മൂത്ത മകന് നിഖിലിന്റെ വിവാഹത്തിലും വിവിഐപികളുടെ നീണ്ട നിര ഉണ്ടായിരുന്നു. അന്ന് ബിജെപിയുടെ ദേശീയ അധ്യക്ഷനായിരുന്നു ഗഡ്കരി. ഗഡ്കരിയുടെ മറ്റൊരു മകന് സാരംഗും വിവാഹിതനാണ്. രണ്ടാഴ്ച്ച നീണ്ടുനില്ക്കുന്ന മഹാരാഷ്ട്രാ നിയമസഭയുടെ ശീതകാല സെഷന് തിങ്കളാഴ്ച്ച നാഗ്പൂരില് തുടങ്ങുമെന്നതിനാല് എല്ലാ എംഎല്എമാരും വിവാഹത്തിനുണ്ടാകുമെന്ന് അറിയുന്നു.
നരേന്ദ്ര മോഡി സര്ക്കാര് നോട്ടുനിരോധനം കൊണ്ടുവന്നതിനിടെ വലിയ തുക ചെലവഴിച്ച് മകളുടെ വിവാഹം നടത്താനുള്ള ഗഡ്കരിയുടെ തീരുമാനത്തിനിടെ എതിര്സ്വരങ്ങളും ഉയര്ന്നിട്ടുണ്ട്. 'ആര്എസ്എസ് നയങ്ങള്ക്ക് എതിരാണ് ആഡംബര വിവാഹം. ആര്എസ്എസ് സംസ്കാരം അറിയാവുന്ന ആളാണ് ഗഡ്കരി. ഇപ്പോഴും സ്വയംസേവകനാണ്' പേര് വെളിപ്പെടുത്താത്ത മുതിര്ന്ന സ്വയംസേവകന് കുറ്റപ്പെടുത്തി.
https://www.facebook.com/Malayalivartha
