ജിയോയെ വെല്ലാന്‍ 339 രൂപയ്ക്ക് പ്രതിദിനം 2 ജിബി 3ജി ഡാറ്റയും ബിഎസ്എന്‍എല്‍ ഫോണുകളിലേക്ക് അണ്‍ലിമിറ്റഡ് വോയ്‌സ് കോളിങ്ങുമാണ് ബിഎസ്എന്‍എല്‍ രംഗത്ത്. 28 ദിവസമാണ് ഓഫര്‍ കാലാവധി.

സ്‌പെഷ്യല്‍ താരിഫ് വൗച്ചര്‍ 339 റീചാര്‍ജ് ചെയ്താല്‍ ഉപയോക്താക്കള്‍ക്ക് ഓഫര്‍ ലഭ്യമാകും. ഓഫറില്‍ ബിഎസ്എന്‍എല്‍ അല്ലാത്ത നെറ്റുവര്‍ക്കുകളിലേക്ക് പ്രതിദിനം 25 മിനിറ്റ് സൗജന്യ കോളുകളും ലഭിക്കും. 25 മിനിറ്റിന് ശേഷം മിനിറ്റിന് 25 പൈസയാകും നിരക്ക്.

നിലവിലുള്ള 339 രൂപ ഓഫര്‍ പരിഷ്‌കരിക്കുകയാണ് ബിഎസ്എന്‍എല്‍ ചെയ്തിരിക്കുന്നത്. ഇപ്പോള്‍ ഈ ഓഫറില്‍ ഒരു ജിബി ഡാറ്റയോടൊപ്പം എല്ലാ നെറ്റുവര്‍ക്കുകളിലേക്കും അണ്‍ലിമിറ്റഡ് വോയ്‌സ് കോളാണ് നല്‍കിയിരുന്നത്. പുതിയ ഓഫറില്‍ മറ്റു നെറ്റുവര്‍ക്കുകളിലേക്കുള്ള കോള്‍ കുറച്ച് ഡാറ്റ പരിധി ഉയര്‍ത്തുകയാണ് ചെയ്തത്. ശനിയാഴ്ച മുതല്‍ ഓഫര്‍ നിലവില്‍ വരും.

ഏപ്രില്‍ ഒന്നു മുതല്‍ നിലവില്‍ വരുന്ന ജിയോ െ്രെപം ഓഫറിനെ ബദലായാണ് ബിഎസ്എന്‍എല്‍ പുതിയ ഓഫര്‍ അവതരിപ്പിച്ചിരിക്കുന്നത്. 99 രൂപയ്ക്ക് ഒരു വര്‍ഷത്തെ മെമ്പര്‍ഷിപ്പ് നേടുന്ന ഉപയോക്താക്കള്‍ക്ക് 303 രൂപയ്ക്ക് പ്രതിദിനം ഒരു ജിബി 4ജി ഡാറ്റയും എല്ലാ നെറ്റുവര്‍ക്കുകളിലേക്കും പരിധിയില്ലാത്ത കോളുമാണ് ജിയോ വാഗ്ദാനം ചെയ്യുന്നത്. അതേസമയം ജിയോ നല്കുന്നത് 4ജിയും ബിഎസ്എന്‍എല്‍ നല്കുന്നത് വേഗത കുറഞ്ഞ 3ജിയും ആണ്.