ഗോവ സര്ക്കാര് രൂപീകരണം സംബന്ധിച്ച് രാജ്യസഭയില് പ്രതിപക്ഷ ബഹളം
ഗോവ സര്ക്കാര് രൂപീകരണം സംബന്ധിച്ച് രാജ്യസഭയില് പ്രതിപക്ഷ ബഹളം. ഗോവയില് സര്ക്കാറുണ്ടാക്കാന് ഗവര്ണര് ബി.ജെ.പിയെ ക്ഷണിച്ചതില് പ്രതിഷേധിച്ച് കോണ്ഗ്രസ് അംഗങ്ങള് സഭയുടെ നടുത്തളത്തിലിറങ്ങി. കോണ്ഗ്രസ് നേതാവ് ദ്വിഗ്വിജയ്സിങ്ങാണ് സഭയില് പ്രശ്നം ഉന്നയിച്ചത്. ഗവര്ണര് അധികാര ദുര്വിനിയോഗം നടത്തിയെന്നും ഗവര്ണറെ ഉപയോഗിച്ച് കേന്ദ്രസര്ക്കാര് കുതിരക്കച്ചവടം നടത്തിയെന്നും ദ്വിഗ്വിജയ് സിങ് ആരോപിച്ചു.
എന്നാല്, സഭക്കുള്ളിലെ അംഗങ്ങള്ക്കെതിരെ മാത്രമേ ആരോപണമുന്നയിക്കാന് പാടൂവെന്നും മറ്റാര്ക്കെങ്കിലുമെതിരെ ആരോപണമുന്നയിക്കണമെങ്കില് പ്രത്യേക നോട്ടീസ് നല്കണമെന്നും രാജ്യസഭാ ഉപാധ്യക്ഷന് പി.ജെ.കുര്യന് റൂളിങ്ങ് നല്കി. എന്നാല് ഇക്കാര്യം ഇപ്പോള്തന്നെ ചര്ച്ച ചെയ്യണമെന്ന് പ്രതിപക്ഷ നേതാവ് ഗുലാംനബി ആസാദ് ആവശ്യപ്പെട്ടു. ഏത് വിഷയത്തെ കുറിച്ചും ചര്ച്ച ചെയ്യാന് തയ്യാറാണെങ്കിലും കൃത്യമായി നോട്ടീസ് നല്കാതെ ചര്ച്ച അനുവദിക്കില്ലെന്ന് പാലര്ലമെന്ററികാര്യ സഹമന്ത്രി മുക്താര് അബ്ബാസ് നഖ്വി അറിയിച്ചു.
തുടര്ന്ന് സഭ മറ്റ് നടപടി ക്രമങ്ങളിലേക്ക് തിരിഞ്ഞു. ഇതോാടെ മറ്റ് നടപടികള് നിര്ത്തിവെച്ച് ഗോവ വിഷയം ചര്ച്ച ചെയ്യണമെന്ന് ആവശ്യപ്പെട്ട് പ്രതിപക്ഷം നടുത്തളത്തിലിറങ്ങുകയായിരുന്നു.
https://www.facebook.com/Malayalivartha
