സ്ത്രീ പീഡനങ്ങളുടെയും ബലാത്സംഗങ്ങളുടെയും സ്വന്തം നാടായി മാറിയ ഇന്ത്യയില്‍ ഇത്തരം കുറ്റകൃത്യങ്ങള്‍ അവിശ്വസനീയമായ രീതിയിലേക്ക് മാറുന്നു. മദ്യലഹരിയില്‍ സ്വന്തം മാതാവിനെ തന്നെ ബലാത്സംഗം ചെയ്യാന്‍ ശ്രമിച്ച 39 കാരനെ തിങ്കളാഴ്ച ബിബ്‌വേവാഡി പോലീസ് അറസ്റ്റ് ചെയ്തു. അതേസമയം താന്‍ എന്താണ് ചെയ്തതെന്ന് അറിയില്ലെന്നും എല്ലാം മദ്യലഹരിയില്‍ ചെയ്തു പോയതാണെന്നും ക്ഷമ ചോദിക്കുന്നതായും ഇയാള്‍ പോലീസിനോട് വ്യക്തമാക്കി. 

ഞായറാഴ്ച രാത്രിയില്‍ ഉണ്ടായ സംഭവത്തില്‍ 58 കാരിയാണ് മകനെതിരേ ബിബ്‌വേവാഡിയില്‍ പരാതി നല്‍കിയത്. മകന്‍ തന്നെ പിടിക്കാന്‍ ശ്രമിച്ചെന്നും പാത്രം കൊണ്ടെറിഞ്ഞാണ് പിന്തിരിപ്പിച്ചതെന്നും അവര്‍ പറഞ്ഞു. സാധാരണ പോലെ തന്നെ നന്നായി കുടിച്ചാണ് അവന്‍ വീട്ടില്‍ എത്തിയത്. രാത്രി 8.30 ന് അത്താഴം വിളമ്പുകയായിരുന്നു. തുടര്‍ന്ന് ഇയാള്‍ മാതാവിന്റെ മുന്നില്‍ വെച്ചു തന്നെ വിവസ്ത്രനായി. മാതാവ് മകനോട് വസ്ത്രം ധരിക്കാന്‍ ആവശ്യപ്പെട്ടെങ്കിലും മകന്‍ കയറിപ്പിടിക്കുകയാണ് ചെയ്തത്. ഞെട്ടിത്തരിച്ചുപോയ മാതാവ് തൊട്ടടുത്തിരുന്ന അത്താഴത്തിനായി മേശപ്പുറത്ത് വെച്ചിരുന്ന പാത്രം എടുത്ത് മകനെ അടിച്ചെങ്കിലും മകന്‍ പിന്തിരിഞ്ഞില്ല. തുടര്‍ന്ന് മറ്റു പാത്രം കൊണ്ട് എറിയുകയും ഏറ് കൊണ്ട മകന്‍ പിന്നോട്ട് പോയപ്പോള്‍ ഇവര്‍ ഓടി വീടിന് പുറത്തിറങ്ങുകയും മകനെ അകത്തിട്ട് പൂട്ടിയ ശേഷം പോലീസിന്റെ സഹായം തേടുകയുമായിരുന്നു.

രാത്രിയില്‍ തന്നെ മകനെ പോലീസ് അറസ്റ്റ് ചെയ്‌തെങ്കിലും മദ്യലഹരി ഇറങ്ങാന്‍ കാത്തിരുന്നു. രാത്രിയഇല്‍ ഇയാള്‍ മുറിയില്‍ ഛര്‍ദ്ദിക്കുകയും തിങ്കഴാളച രാവിലെയായിട്ടും ഉണരാതിരുന്ന ഇയാളെ പോലീസുകാര്‍ കുലുക്കി ഉണര്‍ത്തി അവിടം മുഴുവന്‍ വൃത്തിയാക്കിച്ചു. തിങ്കളാഴ്ച ഉച്ചയ്ക്ക് ശേഷമാണ് ഇയാളെ കസ്റ്റഡിയില്‍ എടുക്കാന്‍ കഴിഞ്ഞത്.

ചോദ്യം ചെയ്യലില്‍ കഴിഞ്ഞ രാത്രിയില്‍ എന്താണ് നടന്നതെന്ന് താന്‍ ഓര്‍ക്കുന്നു പോലും ഇല്ലെന്നായിരുന്നു ഇയാള്‍ പറഞ്ഞത്. അങ്ങനെയൊന്നും ഉദ്ദേശിച്ചില്ല എന്നും കഴിഞ്ഞ രാത്രിയില്‍ ഉണ്ടായ സംഭവത്തില്‍ ക്ഷമ ചോദിക്കുന്നെന്നും പറഞ്ഞു. മദ്യമാണ് തന്നെ എല്ലാം ചെയ്യിച്ചതെന്നും പറഞ്ഞു. കുറ്റവാളി 15 വര്‍ഷമായി വിവാഹിതനും രണ്ടു കുട്ടികളുടെ പിതാവുമാണ്. പതിവായി മദ്യം കഴിച്ചെത്തി പ്രശ്‌നം ഉണ്ടാക്കുന്ന സ്വഭാവദൂഷ്യം കൊണ്ട് രണ്ടു വര്‍ഷം മുമ്പ് ഭാര്യ ഇയാളെ ഉപേക്ഷിച്ച് കുട്ടികളുമായി പോയിരുന്നു. സ്ത്രീകള്‍ക്ക് നേരെയുള്ള അതിക്രമം, സ്ത്രീത്വത്തെ അപമാനിക്കാന്‍ ശ്രമിച്ചു, വിശ്വാസ വഞ്ചന, ക്രിമിനല്‍ കയ്യേറ്റം തുടങ്ങിയ കേസുകളാണ് ഇയാള്‍ക്കെതിരേ ചുമത്തിയത്.