ജമ്മുകാശ്മീരില്‍ ജയില്‍ ഡിഎസ്പിയുടെ രണ്ടു മക്കളെ ഭീകരര്‍ തട്ടിക്കൊണ്ടുപോയി. ജയില്‍ ഡിഎസ്പി അബ്ദുള്‍ ഭട്ടിന്റെ രണ്ട് ആണ്‍മക്കളെയാണ് ഭീകരര്‍ തട്ടിക്കൊണ്ടുപോയത്. ശനിയാഴ്ച രാത്രി കാശ്മീരിലെ ബുദ്ഗാം ചാദൂരയിലായിരുന്നു സംഭവം നടന്നത്.

ഭീകരര്‍ ജയില്‍ ഉദ്യോഗസ്ഥന്റെ വീട്ടിലേക്ക് കടന്നുകയറുകയും മക്കളെ തട്ടിക്കൊണ്ടുപോകുകയുമായിരുന്നു. ഭട്ടിന്റെ വാഹനങ്ങള്‍ക്ക് തീയിടുകയും ചെയ്തു. വെടിയുതിര്‍ത്ത് ഭീകരാന്തരീക്ഷം സൃഷ്ടിച്ച ശേഷം ഭീകരര്‍ സ്ഥലത്തുനിന്നും കടന്നു കളഞ്ഞു. പിന്നീട് ഭട്ടിന്റെ മക്കളെ ഭീകരര്‍ മോചിപ്പിക്കുകയും ചെയ്തു. ഞായറാഴ്ച പുലര്‍ച്ചയും പോലീസിനു നേരെ ആക്രമണം ഉണ്ടായിരുന്നു.