ഇടനിലക്കാരെ ഒഴിവാക്കി സ്റ്റേറ്റ് ബാങ്ക് ഓഫ് ഇന്ത്യ നേരിട്ടു എടിഎമ്മില് പണം നിറയ്ക്കും
എടിഎമ്മുകളില് പണം നിറയ്ക്കാന് സ്വകാര്യ ഏജന്സികള് വീഴ്ചവരുത്തുന്നതായി കണ്ടെത്തിയതിനെ തുടര്ന്ന് ഏപ്രില് ഒന്നു മുതല് എടിഎം കൗണ്ടറുകളില് സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) നേരിട്ടു പണം നിറയ്ക്കും. ബ്രാഞ്ചുകളോടു ചേര്ന്നുള്ള എടിഎമ്മുകളിലും രണ്ടു കിലോമീറ്റര് പരിധിയിലുള്ള എടിഎമ്മുകളിലും ജീവനക്കാര് നേരിട്ടെത്തിയാകും പണം നിറയ്ക്കുക.
ഗ്രാമീണമേഖലകളിലും എത്തിപ്പെടാന് ബുദ്ധിമുട്ടുള്ള പ്രദേശങ്ങളിലും സ്വകാര്യ ഏജന്സികള് തുടരും. എസ്ബിടിയുടെ ലയനത്തിനുശേഷം കൂടുതല് ജീവനക്കാരെ ലഭിക്കുന്നതോടെ സ്വകാര്യ ഏജന്സികളെ പൂര്ണമായും ഒഴിവാക്കാനാണു നീക്കം. എടിഎമ്മുകളില് നിന്നു പണം ലഭിക്കുന്നില്ലെന്ന് ഇപ്പോഴും ഇടപാടുകാര്ക്കു പരാതിയുണ്ട്.
കറന്സി ചെസ്റ്റുകളില് നിന്ന് അനുവദിക്കുന്ന തുക ഏജന്സികള് എടിഎം കൗണ്ടറുകളില് കൃത്യമായി നിറയ്ക്കുന്നില്ലെന്നു ബാങ്ക് കണ്ടെത്തിയിരുന്നു. ഇതേത്തുടര്ന്നു വീഴ്ച വരുത്തിയ ചില ഏജന്സികളെ എസ്ബിഐ ഒഴിവാക്കുകയും ചെയ്തു. എസ്ബിടിയുടെ ലയനത്തിന്റെ ഭാഗമായി ഇരു ബാങ്കുകളുടെയും അക്കൗണ്ടുകളെ തമ്മില് ബന്ധിപ്പിക്കുന്ന ഡേറ്റാ മെര്ജര് നടപടികള് പുരോഗമിക്കുകയാണ്.
ഇതു പൂര്ത്തിയാകുന്ന ഏപ്രില് 23നു ശേഷമാകും സ്വകാര്യ ഏജന്സികളെ പൂര്ണമായും ഒഴിവാക്കാനുള്ള നടപടിയുണ്ടാകുക.
https://www.facebook.com/Malayalivartha
