കോടതിയലക്ഷ്യം ജസ്റ്റിസ് കര്ണന് സുപ്രീംകോടതിയില് ഹാജരായി
ഇന്ത്യന് നീതിന്യായ ചരിത്രത്തിലാദ്യമായി കോടതിയലക്ഷ്യത്തിന് അറസ്റ്റ് വാറന്റ് നേരിടുന്ന കൊല്ക്കത്ത ഹൈക്കോടതി ജഡ്ജി ജസ്റ്റിസ് കര്ണന് സുപ്രീംകോടതിയില് ഹാജരായി. താന് നിയമവ്യവസ്ഥക്ക് എതിരെയല്ല, അഴിമതിക്കെതിരായാണ് പോരാടുന്നതെന്ന് അദ്ദേഹം കോടതിയെ അറിയിച്ചു. താന് അഴിമതിക്കാരെന്ന് ആരോപിച്ച ജഡ്ജിമാര്ക്കെതിരെ അന്വേഷണം നടത്തണമെന്നും ആദ്ദേഹം കോടതിയില് ആവര്ത്തിച്ചു.
സുപ്രീംകോടതി ജഡ്ജിമാരെ പരസ്യമായി വിമര്ശിച്ചതാണ് കേസ്. മദ്രാസ് ഹൈകോടതി ചീഫ് ജസ്റ്റിസിനെതിരെ കര്ണന് അയച്ച കത്തിന്റെ പേരിലാണ് സുപ്രീംകോടതി കോടിയലക്ഷ്യത്തിന് കേസെടുത്തത്. ഈ കേസില് മാര്ച്ച് 31നകം കോടതിയില് നേരിട്ട് ഹാജരാവാന് ജസ്റ്റിസ് കര്ണനോട് കഴിഞ്ഞ ഫെബ്രുവരിയില് കോടതി ഉത്തവരിട്ടിരുന്നു.
എന്നാല്, കോടതി ഉത്തരവ് അനുസരിക്കുന്നതിനു പകരം തനിക്കെതിരെ കോടതിയലക്ഷ്യ നോട്ടീസയച്ച ഏഴു സുപ്രീംകോടതി ജഡ്ജിമാര്ക്കെതിരെ ജസ്റ്റിസ് കര്ണന് സി.ബി.ഐ അന്വേഷണത്തിന് ഉത്തരവിടുകയായിരുന്നു.
https://www.facebook.com/Malayalivartha
