സമ്മര്ര്പ്രൈസുമായി ജിയോ വീണ്ടും; പ്രൈം മെമ്പര്ഷിപ്പിനുള്ള കാലാവധി നീട്ടി.
ടെലികോം രംഗത്ത് ഓഫര് വിപ്ലവം സൃഷ്ടിച്ച ജിയോ വീണ്ടും ഓഫറുകളുമായി രംഗത്ത്. മാര്ച്ച് 31ന് പ്രൈം ഓഫര് അവസാനിക്കാനാരിക്കെയാണ് മെമ്പര്ഷിപ്പ് എടുക്കാനുള്ള കാലാവധി ഏപ്രില് 15 വരെ നീട്ടിയാണ് ജിയോ രംഗത്തെത്തിയിരിക്കുന്നത. പ്രൈം മെമ്പര്ഷിപ്പ് എടുക്കുന്നവര്ക്ക് ജൂലൈ വരെ സൗജന്യ സേവനം ലഭിക്കും. ജിയോ സമ്മര് സര്പ്രൈസ് എന്ന ഓഫറാണ് റിലയന്സ് പ്രഖ്യാപിച്ചത്.ഏപ്രില് 15നുളളില് 303 രൂപയോ അതിന് മുകളിലോ ഉള്ള പ്ലാനുകള് തെരഞ്ഞെടുത്താലാണ് മൂന്ന് മാസം സൗജന്യം ലഭിക്കുക.
ആറു മാസം സൗജന്യ സേവനം നല്കിയ ശേഷം നാളെ മുതല് ചാര്ജ് ഈടാക്കും എന്നാണ് ഇതു വരെ കമ്പനി അറിയിച്ചിരുന്നത്. ഈ ആശങ്കയില് ഉപഭോക്താക്കള് തുടരുന്ന പശ്ചാത്തലത്തിലാണ് ഓഫര് തുടരുന്നതായുള്ള ജിയോയുടെ പ്രഖ്യാപനം.
ജിയോ പ്രൈമില് അംഗത്വമെടുത്ത ഉപയോക്താക്കള്ക്ക് ഹാപ്പി ന്യൂ ഇയര് ഓഫറിലൂടെ മാര്ച്ച് 31 വരെ സേവനങ്ങള് നീട്ടിനല്കിയിരുന്നു. ഈ കാലാവധി അവസാനിക്കാന് മണിക്കൂറുകള് മാത്രം ബാക്കി നില്ക്കെ പ്രൈം അംഗത്വമെടുക്കാന് കമ്പനി നല്കുന്ന അധിക സമയപരിധി ഉപയോക്താക്കളെ സന്തോഷിപ്പിക്കുമോ എന്ന് കണ്ടു തന്നെ അറിയണം. കാരണം പ്രൈം മെമ്പര്ഷിപ്പ് എടുക്കാനുള്ള കാലാവധി ഇന്നവസാനിക്കുമ്പോഴും ഉപഭോക്താക്കളില് ഭൂരിഭാഗവും പുതിയ പ്ലാനില് അംഗമായിട്ടില്ല. ഈ സാഹചര്യത്തില് കമ്പനി ലക്ഷ്യമിട്ട 100 മില്ല്യണ് എന്ന അക്കത്തിലേക്ക് ഉപഭോക്താക്കളുടെ എണ്ണം ഉയര്ത്താനാണ് പ്ലാനുകള് നീട്ടുന്നതെന്നാണ് സൂചന.
https://www.facebook.com/Malayalivartha
