ഏറെ നാളത്തെ കാത്തിരിപ്പിന് ശേഷം വിവാദ വ്യവസായി വിജയ് മല്യയുടെ കിങ്ങ്ഫിഷര്‍ വില്ല വിറ്റു. നടനും വ്യവസായിയും ആയ സച്ചിന്‍ ജോഷിയാണ് വില്ല വാങ്ങിയിരിക്കുന്നത്. നിരവധി തവണ ലേലത്തിന് വച്ച ശേഷം ഇത് വാങ്ങുവാന്‍ ആളുകളെ കണ്ടെത്താതെ ബുദ്ധിമുട്ടുകയായിരുന്നു അധികൃതര്‍. 
അടിസ്ഥാനവിലയായ 73 കോടിയേക്കാള്‍ അധികം വില നല്‍കിയാണ് ജോഷി ഈ വില്ല വാങ്ങിയത്. നിരവധി വട്ടം ലേലത്തില്‍ വച്ചെങ്കിലും ഇത് വാങ്ങുവാന്‍ തയ്യാറായി ആരും രംഗത്ത് വന്നിരുന്നില്ല. തുടര്‍ന്നാണ് ഇത് വാങ്ങുവാന്‍ താത്പര്യമുള്ളവരെ അന്വേഷിക്കുകയായിരുന്നു. 
ജെഎംജെ ഗ്രൂപ്പിന്റെ വൈസ് ചെയര്‍മാനാണ് 32കാരനായ ഈ താരമെന്ന് ഔദ്യോഗിക വെബ്‌സൈറ്റ് പറയുന്നു. നിരവധി ഫിറ്റ്‌നസ് സെന്ററുകള്‍ നടത്താറുണ്ട്. വിക്കിങ് മീഡിയ ആന്റ് എന്റര്‍ടെയിന്‍മെന്റ് എന്ന കമ്പനിയുടെ ഉടമസ്ഥനുമാണ് അദ്ദേഹം മുംബൈ മിറര്‍, ജാക്ക്‌പോട്ട്, ആസാന്‍ എന്നീ ഹിന്ദി ചിത്രങ്ങളിലും ഇദ്ദേഹം അഭിനയിച്ചിട്ടുണ്ട്. 
ഗോവയില്‍ കടലിന് അഭിമുഖമായി നില്‍ക്കുന്ന വില്ലയാണ് ഇപ്പോള്‍ വാങ്ങിയിരിക്കുന്നത്. നിരവധി ആളുകള്‍ ഈ വില്ല വാങ്ങുന്നതിന് എത്തിയിരുന്നെങ്കിലും അടിസ്ഥാനവില കണ്ട് പിന്മാറുകയായിരുന്നു. ആദ്യം 85 കോടി അടിസ്ഥാന വിലയായി വച്ചിരുന്നത്. പിന്നീട് ഇത് വാങ്ങുന്നതിന് ആളുകള്‍ എത്താതിരുന്നതിനാല്‍ 81 കോടി ആക്കി കുറയ്ക്കുകയും പിന്നീട് 73 കോടി ആക്കി താഴ്ത്തുകയും ചെയ്തിരുന്നു.