ഭാര്യമാര് ഒത്തുകൂടി ഭര്ത്താവിന്റെ നാലാം വിവാഹം തടഞ്ഞു, ഭര്ത്താവിനെതിരെ പീഡനക്കേസും
തലാക്ക് ചൊല്ലി ബന്ധം ഒഴിഞ്ഞ ഭര്ത്താവിന്റെ നാലാം വിവാഹശ്രമം മൂന്ന് മുന് ഭാര്യമാര് ഒത്തുചേര്ന്ന് തടഞ്ഞു. ഉത്തര്പ്രദേശിലെ ബഹ്റായിച്ചിലാണ് സംഭവം നടന്നത്. മുന് ഭര്ത്താവിനെതിരേ പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചതിനും തങ്ങളുടെ സ്വകാര്യ വീഡിയോകള് നിര്മിച്ചതിനും ഭാര്യമാര് പോലീസില് പരാതിപ്പെടുകയും ചെയ്തു.
പരാതിയുടെ അടിസ്ഥാനത്തില് മുപ്പതുകാരനായ ഡാനിഷിനെതിരേ പോക്സോ ഉള്പ്പെടെ ചുമത്തി കേസ് രജിസ്റ്റര് ചെയ്തതായി പോലീസ് അറിയിച്ചു. 2013ലാണ് ഡാനിഷ് ആദ്യ വിവാഹം കഴിച്ചത്. ഭാര്യയുടെ അശ്ലീല എംഎംഎസ് പുറത്തുവിടുമെന്ന് ഇയാള് ഭാര്യയുടെ മാതാപിതാക്കളെ ഭീഷണിപ്പെടുത്തി.
തുടര്ന്ന് തലാക്ക് ചൊല്ലി ബന്ധം വേര്പെടുത്തി. പിന്നീട് രണ്ടാം വിവാഹം കഴിച്ചെങ്കിലും ഒരു വര്ഷത്തിനുശേഷം അതും തലാക്കിലൂടെ ഒഴിഞ്ഞു. കഴിഞ്ഞ ഒക്ടോബറില് അമ്മാവന്റെ വീട്ടിലെത്തിയ ഇയാള് അവരുടെ പതിനഞ്ചുകാരിയായ മകളെ ബലാത്സംഗം ചെയ്യുകയും പിന്നീട് വിവാഹം കഴിക്കുകയും ചെയ്തു. ഇവരുടെയും അശ്ലീല എംഎംഎസ് കാണിച്ച് ഡാനിഷ് ഭീഷണിപ്പെടുത്താനാരംഭിച്ചു.
കുറച്ചുനാളുകള്ക്കുശേഷം അവരെയും അയാള് തലാക്ക് ചൊല്ലി. ഡാനിഷ് നാലാം വിവാഹം കഴിക്കാനൊരുങ്ങുന്നതായി വിവരം ലഭിച്ചതോടെ മൂന്ന് സ്ത്രീകളും ഒന്നിച്ചെത്തി പോലീസില് പരാതി നല്കുകയായിരുന്നു.
https://www.facebook.com/Malayalivartha
