ഗാന്ധിജി പഠിച്ച സ്കൂള് ഇനി മ്യൂസിയം
രാഷ്ട്രപിതാവ് മഹാത്മാ ഗാന്ധി പഠിച്ച 164 വര്ഷം പഴക്കമുള്ള സ്കൂള് പൂട്ടുന്നു. രാജ്കോട്ടിലെ ഗുജറാത്തി മീഡിയം സ്കൂളായ ആല്ഫ്രഡ് ഹൈസ്കൂള് എന്ന മോഹന്ദാസ് ഗാന്ധി ഹൈസ്കൂള് അടച്ചുപൂട്ടാനാണ് തീരുമാനം. സ്കൂള് മ്യൂസിയമാക്കി മാറ്റാനുള്ള പദ്ധതിക്ക് ഗുജറാത്ത് സര്ക്കാര് അനുമതി നല്കിക്കഴിഞ്ഞു. 1887ല് തന്റെ പതിനെട്ടാം വയസിലാണ് ഗാന്ധിജി ഇവിടെനിന്നു വിദ്യാഭ്യാസം പൂര്ത്തിയാക്കിയത്.
ഇവിടെയുണ്ടായിരുന്ന 125 വിദ്യാര്ഥികള്ക്ക് സ്കൂള് പൂട്ടാനുള്ള നടപടികളുടെ ഭാഗമായി അധികൃതര് ടി.സി. നല്കിയതായി ഡി.ഇ.ഒ. രേവ പട്ടേല് പറഞ്ഞു. സ്കൂള് പൂട്ടി പകരം മ്യൂസിയം ആരംഭിക്കാനുള്ള പദ്ധതി കഴിഞ്ഞ വര്ഷം രാജ്കോട്ട് മുനിസിപ്പല് കോര്പറേഷനാണു സംസ്ഥാന സര്ക്കാരിനു സമര്പ്പിച്ചത്. സ്കൂള് കെട്ടിടം മുനിസിപ്പല് കോര്പറേഷനു കൈമാറാനുള്ള നടപടികള് പൂര്ത്തിയാക്കാന് വിദ്യാഭ്യാസ വകുപ്പിന് സംസ്ഥാന സര്ക്കാര് നിര്ദേശം നല്കി. ഗാന്ധിജിയുടെ ജീവിതത്തെ ആസ്പദമാക്കിയുള്ള മ്യൂസിയം നിര്മിക്കാന് പത്തു കോടി രൂപയാണു നീക്കിവച്ചിട്ടുള്ളത്.
1853 ഒക്ടോബര് 17 നാണ് സ്കൂള് ആരംഭിച്ചത്. സൗരാഷ്ട്രയിലെ ആദ്യ ഇംഗ്ലീഷ് മീഡിയം സ്കൂളായിരുന്നു ഇത്. സ്വാതന്ത്ര്യലബ്ദിക്കുശേഷം സ്കൂളിന്റെ പേര് മോഹന്ദാസ് ഗാന്ധി ഹൈസ്കൂള് എന്നു മാറ്റി. എന്നാല്, അക്കാദമികരംഗത്തെ മോശം പ്രകടനവും വിദ്യഭ്യാസ നിലവാരമില്ലായ്മയുമാണ് സ്കൂള് അടച്ചുപൂട്ടാനുള്ള തീരുമാനത്തിലേക്കു നയിച്ചത്.
https://www.facebook.com/Malayalivartha
