കേന്ദ്ര ആഭ്യന്തരമന്ത്രി രാജ്നാഥ് സിംഗിനെ വിമര്ശിച്ച സിആര്പിഎഫ് ജവാന് കീഴടങ്ങി
സുക്മയിലെ മാവോയിസ്റ്റ് ആക്രമണവുമായി ബന്ധപ്പെട്ട് കേന്ദ്ര ആഭ്യന്തരമന്ത്രി രാജ്നാഥ് സിംഗിനെ ഫേസ്ബുക്ക് വീഡിയോയിലൂടെ വിമര്ശിച്ച സിആര്പിഎഫ് ജവാന് പി.കെ മിശ്ര കീഴടങ്ങി. ശനിയാഴ്ച ഡല്ഹി സിആര്പിഎഫ് അഡീഷണല് ഡയറക്ടര് ജനറല് മുമ്പാകെയാണ് കീഴടങ്ങിയത്. മിശ്രയ്ക്കു കീഴടങ്ങാനുള്ള അവസരം നല്കണമെന്ന് ഡല്ഹി ഹൈക്കോടതി വെള്ളിയാഴ്ച സിആര്പിഎഫ് മേധാവിയോട് ആവശ്യപ്പെട്ടിരുന്നു.
നിയമപരമായി മാത്രമേ മിശ്രയുടെ കേസ് കൈകാര്യം ചെയ്യാന്പാടുള്ളുവെന്ന് ജസ്റ്റീസ് അഷുതോഷ് കുമാര് സിആര്പിഎഫ് അധികൃതരോട് ആവശ്യപ്പെടുകയും ചെയ്തിരുന്നു. ഇതിനെ തുടര്ന്നാണ് സിആര്പിഎഫ് 221 ബറ്റാലിയനിലെ ജവാനും പശ്ചിമബംഗാള് ദുര്ഗാപുര് സ്വദേശിയുമായ മിശ്ര കീഴടങ്ങിയത്. കീഴടങ്ങുന്നതിന് അവസരം ഒരുക്കിത്തരണമെന്നും കേന്ദ്രസേനയുടെ പീഡനത്തില്നിന്നും സംരക്ഷിക്കണമെന്നും ആവശ്യപ്പെട്ട് മിശ്ര കഴിഞ്ഞ ദിവസം കോടതിക്ക് കത്തെഴുതിയിരുന്നു.
താന് പിടിക്കപ്പെട്ടാല് ജീവന്തന്നെ അപകടത്തിലാണെന്നും കത്തില് മിശ്ര സൂചിപ്പിച്ചിരുന്നു. ഇതിന്റെ അടിസ്ഥാനത്തിലാണ് മിശ്രയ്ക്ക് കീഴടങ്ങാന് അവസരമൊരുക്കണമെന്ന് കോടതി ആവശ്യപ്പെട്ടത്. സുക്മയില് 25 സിആര്പിഎഫ് ജവാന്മാര് കൊല്ലപ്പെട്ട സംഭവത്തില് മിശ്രയുടെ ബന്ധുവും ഉള്പ്പെട്ടിരുന്നു. ഇതിനെ തുടര്ന്നാണ് മിശ്ര രാജ്നാഥ് സിംഗിനെ ഫോസ്ബുക്കില് വിമര്ശിച്ചത്.
https://www.facebook.com/Malayalivartha