അടുത്ത ലക്ഷ്യം കോലി... കെ ആര് കെ ആരെയും വെറുതെ വിടില്ല
ഇന്ത്യന് പ്രീമിയര് ലീഗ് പത്താം സീസണില് ബംഗളൂര് റോയല് ചലഞ്ചേഴ്സിന്റെ തോല്വി രാജകീയമായി തന്നെയായിരുന്നു. കളിച്ച പത്തു മത്സരങ്ങളില് എട്ടു തോല്വികളാണ് വിരാട് കൊഹ്ലിയുടെ ടീമിനു ലഭിച്ചത്. അപ്പോള് തന്നെ കോലിക്കെതിരെ കെ ആര് കെ യും രംഗത്ത് എത്തി.
മലയാള സിനിമാ സൂപ്പര്സ്റ്റാറുകളായ മോഹന്ലാലിനെ ഛോട്ടാഭീമെന്നും മമ്മൂട്ടിയെ സി ക്ലാസ് നടനെന്നും വിളിച്ച് ആക്ഷേപിച്ച ബോളിവുഡ് സിനിമ നിരൂപകന് കമാല് റാഷിദ് ഖാന് എന്ന കെ.ആര്.കെ ഇന്ത്യന് ക്രിക്കറ്റ് നായകന് വിരാട് കൊഹ്ലിക്കെതിരെ രംഗത്ത്. ഐപിഎല്ലില് ബംഗളൂരു റോയല് ചലഞ്ചേഴ്സിന്റെ നായകനായ വിരാട് കൊഹ്ലിയുടെ ധാര്ഷ്ട്യവും, ടീം മുന് ഉടമ വിജയ് മല്യയുടെ അഴിമതി സ്വഭാവവുമാണ് ടീമിന്റെ നാണം കെട്ട തോല്വിക്കു കാരണമെന്നുമാണ് കെആര്കെ ട്വീറ്റിലൂടെ ആഞ്ഞടിച്ചു.
നേരത്തെ മോഹന്ലാലിനും മമ്മുട്ടിക്കുമെതിരെ വിവാദ പരാമര്ശങ്ങള് നടത്തിയും കെആര്കെ രംഗത്തെത്തിയിരുന്നു. മോഹന്ലാലിനെ കണ്ടാല് ഛോട്ടാബീമിനെ പോലെയാണെന്നും രണ്ടാമൂഴം സിനിമയിലെ ഭീമന്റെ കഥാപാത്രം മോഹന്ലാലിന് ഇണങ്ങില്ലെന്നുമായിരുന്നു കെആര്കെ പറഞ്ഞത്. മമ്മൂട്ടിയെന്ന സി ക്ലാസ് നടനെ അറിയില്ലെന്നും പറഞ്ഞിരുന്നു. ഇതിനെതിരെ മലയാളി ആരാധകര് ശക്തമായി രംഗത്തെത്തിയിരുന്നു.
https://www.facebook.com/Malayalivartha
