ജസ്റ്റിസ് കര്ണന് കോടതിയലക്ഷ്യത്തിന് ആറ് മാസം തടവ്; കര്ണനെ ഉടന് ജയിലില് അടക്കണമെന്നും കോടതി ഉത്തരവിട്ടു
കോടതിയലക്ഷ്യ കേസില് കൊല്ക്കത്ത ഹൈക്കോടതി ചീഫ് ജസ്റ്റിസ് കര്ണന് സുപ്രീം കോടതി ആറ് മാസം തടവ് ശിക്ഷ വിധിച്ചു. സുപ്രീം കോടതി ചീഫ് ജസ്റ്റിസിനെ അറസ്റ്റ് ചെയ്യണമെന്ന ഉത്തരവിലാണ് ശിക്ഷ വിധിച്ചിരിക്കുന്നത്. ഒരു ജസ്റ്റിസിനെ കോടതിയലക്ഷ്യത്തിന് ശിക്ഷിക്കുന്നത് ഇത് ആദ്യമായാണ്. കര്ണന് മാനസികാസ്വാസ്ഥ്യം ഇല്ലെന്നും ഉടന് ജയിലില് അടക്കണമെന്നും കോടതി ഉത്തരവിട്ടു. ജസ്റ്റിസ് കര്ണന്റെ പ്രസ്താവനകള് മാദ്ധ്യമങ്ങള് ഇനി പ്രസിദ്ധീകരിക്കരുതെന്നും കോടതി ഉത്തരവിട്ടിട്ടുണ്ട്.
തന്റെ മാനസിക നില പരിശോധിക്കാന് ഉത്തരവിട്ട സുപ്രീം കോടതി ചീഫ് ജസ്റ്റിസടക്കം ഏഴ് ജഡ്ജിമാരെ അഞ്ചു വര്ഷത്തെ തടവും 10,000 രൂപ പിഴയും ജസ്റ്റിസ് വിധിച്ചിരുന്നു. ജാതീയമായ അധിക്ഷേപം, ഗൂഡാലോചന, അധിക്ഷേപം, കോടതിയലക്ഷ്യ കേസുകളുടെ ദുരുപയോഗം എന്നിവ ചുമത്തിയാണ് കര്ണന്റെ ശിക്ഷാ വിധി.
ചീഫ് ജസ്റ്റ്സിനെ കൂടാതെ ജസ്റ്റിസ് ദീപക് മിശ്ര,ജസ്റ്റിസ് ജെ ചെലമേശ്വര്, ജസ്റ്റിസ് രഞ്ജന് ഗൊഗോയി, ജസ്റ്റിസ് മദന് ബി ലോകുര്, ജസ്റ്റിസ് പിനാക്കി ചന്ദ്ര ഗോസ്, ജസ്റ്റിസ് കുര്യന് ജോസഫ്, ജസ്റ്റിസ് ആര് ഭാനുമതി എന്നിവരെ അറസ്റ്റ് ചെയ്യാനാണ് കര്ണന് ഉത്തരവിട്ടിരിന്നത്.
https://www.facebook.com/Malayalivartha