ഇന്ത്യയിലെ മുസ്ലിങ്ങള്‍ ജിഹാദികളാകില്ലെന്നും അവരുടെ ഡി.എന്‍.എ. ഹിന്ദുക്കളുടേതാണെന്നും വിശ്വഹിന്ദു പരിഷത്ത് ദേശീയ ജോയന്റ് സെക്രട്ടറി സുരേന്ദ്രകുമാര്‍ ജയിന്‍. സിദ്ധാപുരയില്‍ വി.എച്ച്.പി.യും ബജ്രംഗ്ദളും സംഘടിപ്പിച്ച ഹിന്ദുസമാജോത്സവം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

സുരേന്ദ്രകുമാര്‍ ജയിന്‍ അവകാശപ്പെടുന്നത് മുഹമ്മദ് ഗോറിയും ഗസ്‌നിയും ആദ്യം ഹിന്ദുക്കളായിരുന്നുവെന്നും പിന്നീട് ഇവര്‍ മതം മാറിയതാണെന്നും ആണ്. മൈസൂര്‍ ഭരിച്ച ഹൈദരാലിയും ടിപ്പു സുല്‍ത്താനും ഒന്നും അനുകരിക്കാന്‍ പറ്റുന്ന മാതൃകകളല്ല. അവര്‍ ഹിന്ദുക്കളെ നിര്‍ബന്ധിച്ച് മതംമാറ്റം നടത്തിയവരാണ്. എ.പി.ജെ.അബ്ദുല്‍ കലാമിനെയും ക്യാപ്റ്റന്‍ അബ്ദുള്‍ ഹമീദിനെയുമാണ് ഇന്ത്യന്‍ മുസ്ലിങ്ങള്‍ മാതൃകയാക്കേണ്ടതെന്നും ജയിന്‍ വ്യക്തമാക്കി.