പതിനേഴുകാരനെ കൊന്നശേഷം തലയറുത്ത് പോലീസ് സ്റ്റേഷന് മുന്നില്‍ ഉപേക്ഷിച്ചു. ബൈക്കിലെത്തിയ സംഘമാണ് കവറിനുള്ളിലാക്കിയ തല പോലീസ് സ്റ്റേഷനില്‍ വലിച്ചെറിഞ്ഞത്. പുതുച്ചേരി പാതൂര്‍ സ്വദേശി സുവേതനാണ് കൊല്ലപ്പെട്ടത്. തമിഴ്നാട്ടിലെ കൂടല്ലൂരാണ് സംഭവം. തല പോലീസ് സ്റ്റേഷനിലേക്ക് വലിച്ചെറിയുന്നതിന്റെ ദൃശ്യങ്ങള്‍ സിസിടിവിയില്‍ പതിഞ്ഞിട്ടുണ്ട്. പുതുച്ചേരിക്ക് സമീപമുള്ള തടാകക്കരയില്‍ വച്ചാണ് യുവാവിനെ കൊലപ്പെടുത്തിയതെന്നാണ് പോലീസിന്റെ നിഗമനം.

പുതുച്ചേരിയില്‍ അടുത്തിടെയുണ്ടായ കൊലപാതക കേസുകളിലെ പ്രതിയാണ് കൊല്ലപ്പെട്ട യുവാവെന്നാണ് പോലീസ് സംശയിക്കുന്നത്. പുതുച്ചേരിക്കടുത്തുള്ള തടാകക്കരയില്‍ നിന്ന് യുവാവിന്റെ ശരീരാവശിഷ്ടങ്ങള്‍ പോലീസ് കണ്ടെടുത്തിട്ടുണ്ട്. തടാകക്കരയില്‍ കൊലപാതകം നടത്തി കിലോമീറ്റര്‍ അകലെയുള്ള പോലീസ് സ്റ്റേഷനുമുന്നിലാണ് അറുത്തെടുത്ത തല വലിച്ചെറിഞ്ഞത്. സിസിടിവി ദൃശ്യങ്ങള്‍ ഉപയോഗിച്ച് പോലീസ് നടത്തിയ തിരച്ചിലില്‍ സുവേതന്റെ സുഹൃത്ത് വിനോദ് അറസ്റ്റിലായി. ഇവര്‍ ത്മിലുള്ള വിരോധമാണ് പ്രാഥമിക നിഗമനം.