പലനാള് കള്ളന് ഒരു നാള് പിടിയില്...ആമസോണിനെ കബളിപ്പിച്ച് പണം തട്ടിയ യുവതി പിടിയില്
ഒരേ കള്ളം ചെയ്തത് പിടിക്കപ്പെട്ടില്ലായെന്ന് കരുതി പലനാള് ആവര്ത്തിച്ചാല് പിടിക്കപ്പെടും എന്നത് തീര്ച്ചയാണ്. ഇകൊഴേ്സ് വമ്പന്മാരായ ആമസോണിനെ കബളിപ്പിച്ച് പണം തട്ടിയ യുവതി പിടിയില്. പശ്ചിമ ബംഗാള് സ്വദേശിയായ യുവതിയാണ് ബംഗളുരുവില് പിടിയിലായത്. 69.71 ലക്ഷം രൂപയാണ് ആമസോണിനെ കബളിപ്പിച്ച് യുവതി സ്വന്തമാക്കിയത്.
ആമസോണില് നിന്ന് ഓണ്ലൈനായി യുവതി വാങ്ങിയ സാധനങ്ങള് തിരിച്ചയച്ചു നല്കി ആമസോണില് നിന്ന് ഇവര് പണം തട്ടുകയായിരുന്നു. വാങ്ങിയ സാധനങ്ങളുടെ സമാനമായ സാധനങ്ങള് തന്നെയാണ് യുവതി തിരിച്ചയച്ചിരുന്നത്. വസ്തുക്കള് മോശമാണെന്ന് ചൂണ്ടിക്കാണിച്ചായിരുന്നു യുവതിയുടെ വമ്പന് തട്ടിപ്പ്.
വാങ്ങിയ വസ്തുക്കള് 24 മണിക്കൂറിനകം തിരികെ നല്കിയാല് പണം തിരികെ കിട്ടുന്ന സേവനമാണ് യുവതി തട്ടിപ്പിനായി ഉപയോഗിച്ചിരുന്നത്. തുടര്ച്ചയായി നിരവധി സാധനങ്ങള് തിരിച്ചയച്ചത് ശ്രദ്ധയില്പ്പെട്ടതിനെ തുടര്ന്നാണ് ആമസോണ് അന്വേഷണം ആരംഭിച്ച് തട്ടിപ്പ് കണ്ടെത്തിയത്. 104 ഇടപാടുകളാണ് യുവതി നടത്തിയത്.
https://www.facebook.com/Malayalivartha