മാര്‍ക്ക് കുറഞ്ഞതിന്റെ പേരില്‍ 12 വിദ്യാര്‍ത്ഥികള്‍ ജീവനൊടുക്കി. 10-12 ബോര്‍ഡ് പരീക്ഷ ഫലം പുറത്തു വന്നതിനു മണിക്കൂറുകള്‍ക്കുള്ളിലാണ് രണ്ടു സഹോരങ്ങളുള്‍പ്പെടെ 12 വിദ്യാര്‍ത്ഥികള്‍ ജീവനൊടുക്കിയത്. മധ്യപ്രദേശിലാണ് മനസാക്ഷിയെ നടുക്കിയ സംഭവം ഉണ്ടായത്.

വെള്ളിയാഴ്ചയാണ് മധ്യപ്രദേശിലെ ബോര്‍ഡ് പരീക്ഷകളുടെ ഫലം പുറത്തുവന്നത്. ആത്മഹത്യ ചെയ്തവരില്‍ പത്തു പേരും 12ാം ക്ലാസ് വിദ്യാര്‍ത്ഥികളാണ്. സാറ്റ്‌ന ജില്ലയില്‍ 18 വയസ്സുകാരിയായ രശ്മിയും പതിനഞ്ചു വയസ്സുകാരനായ സഹോദരന്‍ ദീപേന്ദ്രയുമാണ് 12-10 ബോര്‍ഡ് പരീക്ഷകളുടെ ഫലം വന്നതിനു പിന്നാലെ ആത്മഹത്യ ചെയ്തത്. രണ്ടു പേരും പരീക്ഷയില്‍ പരാജയപ്പെട്ടിരുന്നു.

ജബാല്‍പ്പൂരിലുള്ള പന്ത്രണ്ടാം ക്ലാസ് വിദ്യാര്‍ത്ഥിനി മാര്‍ക്ക് കുറഞ്ഞതിനാല്‍ ട്രെയിനു മുന്നില്‍ ചാടിയാണ് ജീവനൊടുക്കിയത്. പന്ത്രണ്ടാം ക്ലാസില്‍ 72% പെണ്‍കുട്ടികള്‍ വിജയിച്ചപ്പോള്‍ 64.16% മാണ് ആണ്‍കുട്ടികളുടെ വിയ ശതമാനം. ആകെ ശതമാനം 67.87 ആണ്. പത്താം ക്ലാസ് പരീക്ഷയില്‍ 51.43% പെണ്‍കുട്ടികള്‍ വിജയിച്ചപ്പോള്‍ 48.53 ശതമാനം മാത്രമാണ് ആണ്‍കുട്ടികളുടെ വിജയം. ആകെ വിജയം 49.86 ശതമാനമാണ്.