പി.വി. സിന്ധു ഇനി ഡെപ്യൂട്ടി കളക്ടര്...കായികതാരത്തിന് ഡെപ്യൂട്ടി കളക്ടര് സ്ഥാനം നല്കാനായി സംസ്ഥാന പബ്ലിക് സര്വീസ് നിയമം ഭേദഗതി ചെയ്തു
റിയോ ഒളിമ്പിക്സില് രാജ്യത്തിന്റെ അഭിമാനം ഉയര്ത്തിയ ബാഡ്മിന്റണ് താരം പി.വി. സിന്ധു ഇനി ഡെപ്യൂട്ടി കളക്ടര്. കായികതാരത്തിന് ഡെപ്യൂട്ടി കളക്ടര് സ്ഥാനം നല്കാനായി സംസ്ഥാന പബ്ലിക് സര്വീസ് നിയമം ഭേദഗതി ചെയ്തതായാണ് റിപ്പോര്ട്ട്.
ഇന്ത്യക്ക് വേണ്ടി അഭിമാനാര്ഹമായ നേട്ടം കൈവരിച്ചതിന് പിന്നാലെ സിന്ധുവിന് ഐഎഎസ് റാങ്കിലുള്ള ജോലി ആന്ധ്ര സര്ക്കാര് നല്കുമെന്ന് വാര്ത്തകളുണ്ടായിരുന്നു. ധനമന്ത്രി യാനമാല രാമകൃഷ്ണനുഡുവാണ് ഭേദഗതി ബില് നിയമസഭയില് അവതരിപ്പിച്ചത്. ഏകകണ്ഠേന പാസാക്കപ്പെട്ട ബില് പിന്നീട് ലെജിസ്ലേറ്റീവ് കൗണ്സിലും അംഗീകരിച്ചു. ഗവര്ണര് ഇഎസ്എല് നരസിംഹന് ബില് ഭേദഗതിയില് ഒപ്പിട്ടതായി റിപ്പോര്ട്ടുണ്ട്. ആഴ്ചകള്ക്കുള്ളില് തന്നെ സിന്ധുവിന് നിയമന ഉത്തരവ് ലഭിക്കും. റവന്യൂ ഡിവിഷണല് ഓഫീസറായിട്ടായിരിക്കും നിയമനം.
സംസ്ഥാന ധനകാര്യമന്ത്രി യാനമാല രാമകൃഷ്ണനുഡു ഇക്കാര്യം അറിയിച്ചത്. ഹൈദരാബാദില് ഭാരത് പെട്രോളിയം കോര്പ്പറേഷനില് അസിസ്റ്റന്റ് മാനേജരാണ് നിലവില് സിന്ധു.
https://www.facebook.com/Malayalivartha
