പ്രമുഖ മാധ്യമപ്രവര്‍ത്തകന്‍ അര്‍ണബ് ഗോസ്വാമിക്കും അദ്ദേഹത്തിന്റെ ചാനലായ റിപ്പബ്ലിക് ടിവിക്കുമെതിരെ ക്രിമിനല്‍ കേസ്. സുനന്ദ പുഷ്‌കറുമായുള്ള സംഭാഷണങ്ങളുടെ ടേപ്പ് മോഷ്ടിച്ചുവെന്ന് ആരോപിച്ചാണ് ടൈംസ് നൗ ചാനലല്‍ അര്‍ണബിനെതിരെ പോലീസിനെ സമീപിച്ചത്.

അര്‍ണബിനെ കൂടാതെ ടൈംസ് നൗവിലെ മുന്‍ ജീവനക്കാരിയായിരുന്ന പ്രേമ ശ്രീദേവിക്കെതിരെ പകര്‍പ്പവകാശ ലംഘനത്തിന്റെ പേരില്‍ ബെന്നറ്റ്, കോള്‍മാന്‍ ആന്‍ഡ് കോപ്പറേറ്റീവ് ലിമിറ്ററ്റ് കേസ് ഫയല്‍ ചെയ്തിട്ടുണ്ട്. 

ടൈംസ് നൗവിന്റെ ജീവനക്കാരായിരിക്കെ അര്‍ണബും ശ്രീദേവിയും സ്വന്തമാക്കിയ ഓഡിയോ ടേപ്പുകളാണ് എക്‌സിക്ലൂസിവെന്ന പേരില്‍ റിപ്പബ്ലിക് ടിവി പുറത്തുവിട്ടിട്ടുള്ളതെന്നും ഒരു സ്ഥാപനത്തിന്റെ ഭാഗമായിരിക്കെ ലഭിച്ച ടേപ്പുകള്‍ പിന്നീട് ഉപയോഗിക്കുന്നത് പകര്‍പ്പാവകാശ നിയമത്തിന്റെ നഗ്‌നമായ ലംഘനമാണെന്നും പരാതിയില്‍ പറയുന്നു.