മോഷ്ടാവായ ഭര്ത്താവിനെ കുടുക്കാന് കെണി ഒരുക്കി ഭാര്യ
മോഷ്ടാവായ ഭര്ത്താവിനെ തേടി പോലീസ് നിരന്തരം വീട്ടിലെത്തുന്നതില് മനംമടുത്ത് ഭാര്യ ഭര്ത്താവിനെ കുടുക്കാന് കെണി ഒരുക്കി. ഭര്ത്താവിനെ പിടികൂടാന് ഭാര്യ പോലീസിനൊപ്പം കെണിയൊരുക്കുകയും ഭര്ത്താവ് പിടിയിലാവുകയും ചെയ്തു.
ഷാമു നയീം അന്സാരിയാണ് പോലീസ് പിടിയിലായത്. ഭവനഭേദനവും മൊബൈല് മോഷണവുമൊക്കെയാണ് ഷാമു നയീമിന്റെ പണി. അടുത്തിടെ മൊബൈല് ഫോണ് മോഷണ കേസുമായി ബന്ധപ്പെട്ട് പോലീസ് വീട്ടിലെത്തിയപ്പോഴാണ് ഭാര്യയുടെ തീരുമാനം. ഭര്ത്താവിനെ പിടിക്കാന് സഹായിക്കാമെന്നും കെണിയൊരുക്കാമെന്നും പോലീസിനോട് പറഞ്ഞു.
ഒരിക്കലെങ്കിലും പിടിക്കപ്പെട്ട് ജയിലില് പോയാല് ഭര്ത്താവ് ശരിയാവുമെന്ന പ്രതീക്ഷയിലായിരുന്നു ഭാര്യയുടെ നടപടി. പോലീസ് രഹസ്യമായി നില്ക്കുന്ന ഇടത്തേക്ക് ഷാമുവിനെ വിളിച്ചുവരുത്തുകയായിരുന്നു. ഉടന് തന്നെ പോലീസ് ഇയാളെ പിടികൂടുകയും ചെയ്തു. അതേസമയം, സംഭവ സ്ഥലത്ത് പൊലീസ് യുവതിയെ എത്തിക്കാതിരിക്കാനും ശ്രദ്ധിച്ചു. ഭാര്യയാണ് കെണിക്ക് പിന്നിലെന്ന് അറിയാതിരിക്കാനായിരുന്നു ഇത്.
https://www.facebook.com/Malayalivartha
