40കാരിയായ യുവതിയെ കൊന്ന് ദൃശ്യങ്ങള്‍ സോഷ്യല്‍ മീഡിയില്‍ അപ്ലോഡ് ചെയ്തു. പഞ്ചാബിലെ കില റായ്പൂരിലാണ് സംഭവം നടന്നത് . അമരീന്ദര്‍ സിംഗ് എന്ന യുവാവാണ് കൊലനടത്തിയത് . മനിന്ദര്‍ സിംഗും വിവാഹിതയായ ഒരു യുവതിയും തമ്മില്‍ പ്രണയത്തിലായിരുന്നു. ഈ യുവതിയുടെ സുഹൃത്തായിരുന്നു കൊല്ലപ്പെട്ട സരബ്ജിത് കൗര്‍. അമരീന്ദര്‍ സിംഗുമായുള്ള ബന്ധം അവസാനിപ്പിക്കാന്‍ സരബ്ജിത് പ്രേരിപ്പിച്ചതാണ് കൊലപാതകത്തില്‍ അവസാനിച്ചതെന്നാണ് റിപ്പോര്‍ട്ടുകള്‍ പറയുന്നത്.

വീട്ടിലേക്ക് മടങ്ങുകയായിരുന്ന സരബ്ജിത് കൗറിനെ വഴിയില്‍ തടഞ്ഞനിര്‍ത്തി കോടാലി കൊണ്ട് വെട്ടിക്കൊല്ലുകയായിരുന്നു. ഞായറാഴ്ച രാവിലെയാണ് കൊലപാതകം നടത്തിയത്. സരബ്ജിയെ കോടാലികൊണ്ടു വെട്ടി വീഴ്ത്തിയ ശേഷം രക്തത്തില്‍ കുളിച്ചു കിടക്കുന്ന മൃതദേഹത്തിന്റെ വീഡിയോ പകര്‍ത്തി കൂടാതെ സമീപത്ത് നിന്ന് സെല്‍ഫി വീഡിയോ എടുക്കുകയും ചെയ്തു. 

തുടര്‍ന്ന് പോലീസിനെ വിളിച്ച് ഇയാള്‍ സ്വമേധയാ കീഴടങ്ങുകയായിരുന്നു. കൊലപാതകം നടക്കുന്ന സമയത്ത് നൂറുകണക്കിന് പേര്‍ ദൃക്സാക്ഷികളായി നില്‍ക്കുന്നുണ്ടായിരുന്നു എങ്കിലും ആരും ഇടപെടാന്‍ തയ്യാറായില്ല. കൊല്ലപ്പെട്ട യുവതിയുടെ മകളുടെ പരാതിയിലാണ് പോലീസ് കേസെടുത്തത്.