കേരളത്തെ 'തണ്ടറി പാകിസ്താന്‍' എന്ന് വിശേഷിപ്പിച്ചത് ടൈംസ് നൗ ചാനല്‍ ആയിരുന്നു. കഴിഞ്ഞ ദിവസം അമിത് ഷായുടെ സന്ദര്‍ശനവുമായി ബന്ധപ്പെട്ട റിപ്പോര്‍ട്ടിലും ചര്‍ച്ചയിലും ആയിരുന്നു ഇത്. ടൈപ്പ് ചെയ്തപ്പോള്‍ മാറിപ്പോയതാണെന്നും പറഞ്ഞ് ടൈംസ് നൗ ഇതിനെ ന്യായികരിക്കുകയും ചെയ്തു.എന്നാല്‍ ദേശവ്യാപകമായി കേരളത്തിനെതിരെ ഇതിന്റെ പേരില്‍ പ്രചാരണം നടന്നു. സംഘപരിവാര്‍ കേന്ദ്രങ്ങള്‍ സോഷ്യല്‍ മീഡിയയില്‍ ഇതും പറഞ്ഞ് ആഞ്ഞടിച്ചു.

അതിനിടയിലാണ് ഏഷ്യാനെറ്റ് ന്യൂസ് ചെയര്‍മാനും എംപിയും എന്‍ഡിഎ കേരളഘടകം വൈസ് ചെയര്‍മാനും ആയ രാജീവ് ചന്ദ്രശേഖറിന്റെ ട്വിറ്റര്‍ പ്രതികരണം.ലക്ഷ്മി കാനത്ത് എന്ന സ്ത്രീ ആയിരുന്നു ആ ട്വീറ്റ് പോസ്റ്റ് ചെയ്തത്. കേരളത്തിന് പറ്റിയ പേര് എന്നായിരുന്നു അത്. ഈ ട്വീറ്റിനോട് പ്രതികരിച്ചാണ് രാജീവ് ചന്ദ്രശേഖര്‍ സ്‌മൈല്ി ഇട്ടത്.മലയാളിയായ രാജീവ് ചന്ദ്രശേഖര്‍ ഇങ്ങനെയൊരു പ്രതികരണം നടത്തിയതിനെതിരെ അതി രൂക്ഷമായ പ്രതികരണങ്ങളാണ് തുടര്‍ന്ന് വന്നത്. രാജീവ് ചന്ദ്രശേഖര്‍ ഏഷ്യാനെറ്റ് ന്യൂസിന്റെ ചെയര്‍മാന്‍ കൂടിയാണ്.