പരാതി പറയാനെത്തിയ സഹോദരിമാര്ക്ക് നേരെ പോലീസിന്റെ ലൈംഗീകാതിക്രമം
യുപി യില് പരാതി പറയാന് പോലീസ്സ്റ്റേഷനില് എത്തിയ സഹോദരിമാര്ക്കുനേരെ ലൈംഗീകാതിക്രമം. നിയമവിരുദ്ധമായി ആരെങ്കിലും നിങ്ങള്ക്കെതിരെ പ്രവര്ത്തിച്ചാല് എന്തുചെയ്യും. എന്ന്ചോദിച്ചാല് നമ്മുടെ ഉത്തരം പോലീസ് സ്റ്റേഷനില് പരാതി പറയാനായി പോകും എന്നായിരിക്കും. എന്നാല് പോലീസ് സ്റ്റേഷനില് യൂണിഫോമിട്ട് ഇരിക്കുന്നവരും കുറ്റകൃത്യം ആവര്ത്തിച്ചാലോ. ഉത്തര്പ്രദേശില് പരാതി പറയാനെത്തിയ സഹോദരിമാര്ക്കാണ് ഇത്തരത്തിലൊരു അപമാനം ഏല്ക്കേണ്ടിവന്നത്.
തങ്ങളെ അപമാനിച്ചയാള്ക്കെതിരെ പരാതി പറയാനെത്തിയ സഹോദരിമാര്ക്ക് നേരെ പോലീസുകാര് ലൈംഗീകാതിക്രമം കാട്ടുകയായിരുന്നു. ഉത്തര്പ്രദേശ് കര്ഹാല് ഗെയ്റ്റ് പോലീസ് സ്റ്റേഷനിലാണ് സംഭവം. ഇതിന്റെ വീഡിയോ സമൂഹമാധ്യമങ്ങളില് പ്രചരിച്ചതോടെ പോലീസ് ഉദ്യോഗസ്ഥനെ അധികൃതര് സസ്പെന്ഡ് ചെയ്തു.
സമൂഹ മാധ്യമങ്ങളില് പ്രചരിച്ച വീഡിയോയില് ഈശ്വരി പ്രസാദ് എന്ന പോലീസുകാരന് സഹോദരിമാരില് ഒരാളോട് മോശമായി പെരുമാറുന്നത് നന്നായി കാണാം. എന്നാല് ആശ്ചര്യപ്പെടുത്തുന്ന വിശദീകരണവുമായാണ് പോലീസുകാര് രംഗത്തെത്തിയിയത്. പെണ്ക്കുട്ടികള് തങ്ങളെയാണ് അവഹേളിച്ചതെന്നാണ് പോലീസുകാരില് ഒരാള് പറയുന്നത്. താന്റെ കൈയില് പിടിച്ചിട്ടേയുള്ളവുവെന്നും അക്രമിച്ചിട്ടില്ലെന്നും മറ്റൊരാള് വ്യക്തമാക്കി.
സംഭവം അന്വേഷിക്കാന് സിറ്റി സര്ക്കിള് ഇന്സ്പക്ടറെ ചുമതലപ്പെടുത്തിയിട്ടുണ്ട്. ആരോപണ വിധേയരായ പോലീസ്സുകാര്ക്കെതിരെ നടപടി എടുത്തിട്ടുണ്ടെന്ന് എസ് പി എസ്. രാജേഷ് പറഞ്ഞു.
https://www.facebook.com/Malayalivartha
