നാഗാലന്‍ഡിലെ മൗവിലുണ്ടായ ഏറ്റുമുട്ടലില്‍ സൈനികോദ്യോഗസ്ഥന്‍ വീരമൃത്യു വരിച്ചു. ഏറ്റുമുട്ടലില്‍ മൂന്നു തീവ്രവാദികളെ സൈന്യം വധിച്ചു. പ്രദേശവാസികളില്‍ ഒരാളും കൊല്ലപ്പെട്ടതായി റിപ്പോര്‍ട്ടുണ്ടെങ്കിലും അത് സ്ഥിരീകരിക്കാനായിട്ടില്ല. മറ്റു മൂന്നു ജവാന്മാര്‍ക്കും പരുക്കേറ്റിട്ടുണ്ട്. ഏറ്റുമുട്ടല്‍ ഇപ്പോഴും തുടരുകയാണ്.

രാവിലെ പത്തുമണിയോടെയാണ് ഏറ്റുമുട്ടല്‍ തുടങ്ങിയത്. മേഖലയില്‍ തീവ്രവാദികളുടെ സാന്നിധ്യമുണ്ടെന്ന റിപ്പോര്‍ട്ടിനെ തുടര്‍ന്ന് സൈനികര്‍ പരിശോധന നടത്തുകയായിരുന്നു. ഈ സമയം സൈനിക വ്യൂഹത്തിനുനേരെ ആക്രമണം ഉണ്ടാവുകയായിരുന്നു. സംസ്ഥാനത്ത് കവര്‍ച്ചയും കലാപവും കുറഞ്ഞുവെന്ന് ആഭ്യന്തരവകുപ്പ് അറിയിച്ചതിനു പിന്നാലെയാണ് ഏറ്റുമുട്ടലുണ്ടായത്.