ഇത്തരമൊരു അനുഭവം ഇതാദ്യം... തന്നോട് കാണിച്ചത് തന്റെ സമുദായത്തോട് കാണിച്ച അവഗണന; ട്രാന്സ് ജെന്ഡറിനെ മാളില് പ്രവേശിക്കുന്നതിന് തടഞ്ഞ് പകല് മാന്യന്മാര്...
വ്യാഴാഴ്ച വൈകീട്ട് എട്ടു മണിയോടെയായിരുന്നു സംഭവം. മാളില് പ്രവേശിക്കുന്നതിന് ട്രാന്സ്ജന്ഡറിന് വിലക്കേര്പ്പെടുത്തി സെക്യൂരിറ്റി ജീവനക്കാര്. പൂനൈ സ്വദേശിയായ സൊണാലി ദാല്വി എന്ന ട്രാന്സ്ജന്റിനെയാണ് പുനൈയിലെ തന്നെ ഫീനിക്സ് മാര്ക്കറ്റ് സിറ്റി എന്ന മാളില് പ്രവേശിക്കാന് അനുവദിക്കാതിരുന്നത്.
മാളിന്റെ പ്രവേശന കവാടത്തില് നില്ക്കുന്ന സുരക്ഷാ ജീവനക്കാര് ട്രാന്സ്ജന്ഡറിനെ പരിശോധിക്കണമെന്നും ഇവര് ട്രാന്സ്ജന്ഡറായത് കൊണ്ട് മാളില് പ്രവേശിക്കാന് കമ്പനി പോളിസി അനുവദിക്കുന്നില്ലെന്നും പറഞ്ഞതെന്ന് സൊണാലി പറയുന്നു.
സുരക്ഷാ പരിശോധനയ്ക്കായി സ്ത്രീകളുടെ സെക്ഷനിലേക്ക് പോയ തന്നെ അവിടുത്തെ വനിതാ ജീവനക്കാര് തടയുകയായിരുന്നു. മറ്റുള്ള വനിതാ സെക്യൂരിറ്റി ഗാര്ഡുകളെയും കൂട്ടി തടയുകയായിരുന്നു. കമ്ബനി പോളിസി പ്രകാരം നിങ്ങള്ക്ക് അകത്തേക്ക് കയറാന് അനുവാദമില്ലെന്നും അതിനാല് തിരിച്ചുപോകണമെന്നും ഇവര് ആവശ്യപ്പെട്ടതായി സൊണാലി പറയുന്നു.
അവിടെ കൂടിയ ജനക്കൂട്ടം തന്നെ അകത്തേക്ക് വിടണമെന്ന് ആവശ്യപ്പെടുകയും അക്കാരണത്താല് മാത്രം അതിന് സമ്മതം മുളിയ സുരക്ഷാ ജീവനക്കാര് ,അകത്തു കയറിയാലും രണ്ടും മൂന്നും നിലകളിലേക്ക് പോകരുതെന്ന് ആവശ്യപ്പെട്ടതായും സൊണാലി ആരോപിക്കുന്നു. അര മണിക്കൂറോളം അവര് തന്നെയവിടെ തടഞ്ഞു വച്ചു. ഒരു പൊതുസ്ഥലത്തും തനിക്ക് ഇതിനു മുമ്ബ് ഇങ്ങനെയൊരു അനുഭവം ഉണ്ടായിട്ടില്ലെന്നും സൊണാലി വ്യക്തമാക്കി. മാളിന്റെ ഉടമസ്ഥര്ക്കെതിരെ പരാതി നല്കുമെന്നും തന്റെ സമുദായത്തില്പ്പെട്ട മറ്റൊരാള്ക്കും മേലില് ഇങ്ങനൊരു അനുഭവം ഉണ്ടാകാന് പാടില്ലെന്നും അവര് പറഞ്ഞു.
എന്നാല് സൊണാലിയുടെ ആരോപണത്തെ നിഷേധിച്ച് ഫീനിക്സ് മാര്ക്കറ്റ് സിറ്റി ഔദ്യോദിക പ്രസ്താവന നടത്തുകയും ചെയ്തു. സൊണാലിയെ സുരക്ഷാ ഉദ്യോഗസ്ഥര് തടയുന്ന ദൃശ്യങ്ങളും പുറത്തു വന്നു.
https://www.facebook.com/Malayalivartha
