കരിങ്കോഴിക്കായി പോരടിക്കുകയാണ് മധ്യപ്രദേശും ഛത്തീസ്ഗഡും. ക​രിങ്കോഴി തങ്ങളുടേതാണെന്ന് ഇരുകൂട്ടരും പരസ്പരം വാദിക്കുന്നു. പ്രോ​ട്ടീ​ന്‍ ക​ല​വ​റയാണ് ക​രിങ്കോ​ഴി. ഇതിന്റെ ജ​ന്മസ്ഥലത്തെകുറിച്ചാണ് അ​യ​ല്‍​സം​സ്​​ഥാ​ന​ങ്ങ​ളായ ​മധ്യപ്രദേശും ഛത്തീസ്ഗഡും തർക്കിക്കുന്നത്. ത​ര്‍​ക്കം മൂ​ത്തപ്പോൾ കോ​ഴി​ക്ക്​ ഭൗ​മ​സൂ​ചി​ക പ​ദ​വി ആ​വ​ശ്യ​പ്പെ​ട്ട്​ ചെ​ന്നൈ​യി​ലെ ഭൗ​മ​സൂ​ചി​ക കേ​ന്ദ്ര​ത്തെ സ​മീ​പി​ച്ചി​രി​ക്കു​ക​യാ​ണ്​ ഇരുകൂട്ടരും. 'ഭൗ​മ​സൂ​ചി​ക പ​ദ​വി'​ ല​ഭി​ച്ചാ​ല്‍ കോ​ഴി​ക​ളെ വി​റ്റ​ഴി​ക്കാ​ന്‍ എ​ളു​പ്പ​മാ​ണെ​ന്നാ​ണ്​ വ്യാ​പാ​രി​കൾ പറയുന്നത്.

ക​രിങ്കോ​ഴി​യു​ടെ യ​ഥാ​ര്‍​ഥ ജന്മസ്ഥലം ഛാബു​വ ജി​ല്ലയായതിനാൽ ത​ങ്ങ​ള്‍ ജയിക്കുമെന്നാണ് മ​ധ്യ​പ്ര​ദേ​ശ്​ മൃ​ഗ സം​ര​ക്ഷ​ണ വ​കു​പ്പ് പറയുന്നത്. 2012ല്‍​ത​ന്നെ ഛാബു​വ ജി​ല്ല അ​ധി​കൃ​ത​ര്‍ ഇ​തി​നാ​യി അ​പേ​ക്ഷ ന​ല്‍​കി​യിരുന്നു. കോ​ഴി​യു​ടെ ഉ​ട​മ​സ്​​ഥാ​വ​കാ​ശ​മു​ന്ന​യി​ച്ച്‌​ ഇൗ​യ​ടു​ത്താ​ണ്​ ഛത്തി​സ്​​ഗ​ഢ്​ എത്തിയത്.