മേള ആഘോഷിക്കാന്‍ വൃദ്ധന്‍ കൂട്ടുകാര്‍ക്ക് നല്‍കിയത് സ്വന്തം മളായ 35 കാരിയെ. ഒടുവില്‍ ഇവര്‍ക്കൊപ്പം ചേര്‍ന്ന് മകളെ കൂട്ട ബലാത്സംഗവും ചെയ്തു. ലക്‌നൗവ്വില്‍ നിന്നും 70 കിലോമീറ്റര്‍ അകലെയുള്ള സീതാപൂര്‍ ജില്ലയില്‍ തിങ്കളാഴ്ച രാവിലെ നടന്ന സംഭവത്തില്‍ മൂന്ന് പ്രതികളില്‍ ഒരാളെ അറസ്റ്റ് ചെയ്തു. രണ്ടു പേര്‍ക്കായി ഇപ്പോഴും പോലീസ് തെരച്ചില്‍ തുടരുകയാണെന്നാണ് ലഭിക്കുന്ന വിവരം.


അമ്പതു വയസ്സിന് മുകളില്‍ പ്രായമുള്ള പ്രതിയും മകളും മേളയില്‍ പങ്കെടുക്കുന്നതിനായി ഏപ്രില്‍ 15 ന് വൈകിട്ടാണ് കമലാപൂരില്‍ എത്തിയത്. മേളയില്‍ പങ്കെടുത്ത ശേഷം തന്റെ സുഹൃത്ത് മാന്‍സിംഗിനെ പ്രതി വിളിച്ചു വരുത്തുകയും എല്ലാവരും ചേര്‍ന്ന് ഒരു ബൈക്കില്‍ മറ്റൊരു സുഹൃത്തായ മേരാജിന്റെ വീട്ടില്‍ പോകാമെന്ന് മകളെ പിതാവ് വിശ്വസിപ്പിക്കുകയുമായിരുന്നു. ഇവിടെ എത്തിയ പിതാവ് മകളെ സുഹൃത്തുക്കള്‍ക്ക് കൈമാറുകയും പിന്നീട് മൂന്ന് പേരും ചേര്‍ന്ന് കൂട്ടബലാത്സംഗം ചെയ്യുകയും ഉണ്ടായി. 18 മണിക്കൂറോളം മേരാജിന്റെ വീട്ടില്‍ യുവതിയെ പൂട്ടിയിട്ടാണ് . എന്നാല്‍ തിങ്കളാഴ്ച വൈകുന്നേരം യുവതി രക്ഷപ്പെട്ടു.

വീട്ടിലെത്തിയ യുവതി വിവരം ആദ്യം മാതാവിനോട് പറയുകയും രണ്ടു പേരും ചേര്‍ന്ന് അന്നു തന്നെ പോലീസില്‍ പരാതി നല്‍കുകയുമായിരുന്നു. സംഭവത്തില്‍ മേരാജിനെ മാത്രമാണ് പോലീസിന് അറസ്റ്റ് ചെയ്യാനായത്. പിതാവും കൂട്ടുകാരന്‍ മാന്‍സിംഗും രക്ഷപ്പെട്ടു. നാല്‍പ്പതുകളുടെ തുടക്കത്തില്‍ നില്‍ക്കുന്ന മേരാജ് കമല്‍പൂരിലാണ് ജോലി ചെയ്യുന്നത്. ഒരു വ്യാജഡോക്ടര്‍ കൂടിയാണ് ഇയാള്‍. ബിരുദ സര്‍ട്ടിഫിക്കറ്റോ ഒന്നും തന്നെയില്ലാതെ ചികിത്സ നടത്തുന്നതായി ആരോപണമുണ്ട്.

പതിനാറ് വര്‍ഷം മുമ്പ് വിവാഹിതയായ യുവതി വിവാഹം കഴിഞ്ഞ രണ്ടു വര്‍ഷം കഴിഞ്ഞപ്പോള്‍ തന്നെ ഭര്‍ത്താവുമായുള്ള വഴക്കിനെ തുടര്‍ന്ന് വീട്ടില്‍ തിരിച്ചെത്തിയിരുന്നു. 2017 നവംബറില്‍ മകളുമായി അവിഹിത ബന്ധമുണ്ടെന്ന ആരോപണത്തെ തുടര്‍ന്ന് പിതാവിനെ നാട്ടുക്കൂട്ടം നാടുകടത്തിയതാണ്. പഞ്ചായത്തിന്റെ നിര്‍ദേശത്തെ തുടര്‍ന്ന പിതാവ് അറസ്റ്റ് ചെയ്യപ്പെടുകയും ചെയ്‌തെങ്കിലും ഈ ഫെബ്രുവരിയില്‍ ഇയാള്‍ ജാമ്യം നേടി. അതിന് ശേഷം യുവതി തന്റെ 14 വയസ്സുള്ള കുട്ടിയുമായി മാതാപിതാക്കള്‍ക്കൊപ്പമാണ് താമസം.