കര്ണാടകയില് ഞങ്ങള് ആദ്യമേ വിജയിച്ചുകഴിഞ്ഞതാണ്; തെരഞ്ഞെടുപ്പുഫലം ഞങ്ങളുടെ കഠിനാദ്ധ്വാനത്തിന്റെ ഫലവും; യുദ്ധത്തില് തോല്ക്കാതെ എങ്ങനെ വിജയിക്കാമെന്നുള്ളതാണ് രാഹുല് ഗാന്ധിയുടെ പുതിയ തിയറിയെന്നും അമിത് ഷാ
കര്ണാടക തെരഞ്ഞെടുപ്പ് ബിജെപി ആദ്യമേ വിജയിച്ചുകഴിഞ്ഞെന്ന് ബിജെപി ദേശീയാധ്യക്ഷന് അമിത് ഷാ. ഇന്ത്യ ടിവിക്ക് നല്കിയ അഭിമുഖത്തിലാണ് അമിത് ഷാ ഇങ്ങനെ പറഞ്ഞത്. കോണ്ഗ്രസിനെ സംസ്ഥാനത്തു നിന്ന് തുരത്താനുള്ള വ്യക്തമായ ഉത്തരവാണ് ജനവിധിയിലൂടെ ജനം നല്കിയതെന്നും അദ്ദേഹം പറഞ്ഞു.
പ്രധാനമന്ത്രി നരേന്ദ്ര മോദിയുടെ നാലുവര്ഷത്തെ ഭരണമികവുമായാണ് തങ്ങള് കര്ണാടകയില് തെരഞ്ഞെടുപ്പിനെ നേരിട്ടത്. ഒപ്പം, സിദ്ദരാമയ്യ സര്ക്കാര് എങ്ങനെയാണ് സംസ്ഥാനത്തെ കഴിഞ്ഞ ഭരണകാലയളവില് ചൂഷണം ചെയ്തതെന്ന് ജനങ്ങളെ ബോധ്യപ്പെടുത്തുകയും ചെയ്തു. ബി ജെ പി തെരഞ്ഞെടുപ്പിനെ നേരിട്ട രീതി ശരിയായിരുന്നു. അതുകൊണ്ടു തന്നെയാണ്, കര്ണാടകയില് പരമാവധി സീറ്റുകളില് വിജയിക്കാന് കഴിഞ്ഞതെന്നും അമിത് ഷാ പറഞ്ഞു.
കര്ണാടകയുടെ തെരഞ്ഞെടുപ്പുഫലം ഞങ്ങളുടെ കഠിനാദ്ധ്വാനത്തിന്റെ ഫലമാണ്, അതുകൊണ്ടു തന്നെ സംസ്ഥാനത്തെ ജനങ്ങളുടെ തീരുമാനത്തെ അവഗണിക്കാന് കഴിയില്ല. കര്ണാടകയുടെ മുമ്പില് കോണ്ഗ്രസ് സര്ക്കാരിനെ തുറന്നു കാണിക്കണമെന്ന് ഉണ്ടായിരുന്നു. അതില് വിജയിച്ചു എന്നാണ് തങ്ങള് കരുതുന്നതെന്നും അദ്ദേഹം പറഞ്ഞു. ഏതെങ്കിലും എം എല് എമാരെ വാങ്ങുന്നതിനെപ്പറ്റി ചോദ്യം ഉദിക്കുന്നില്ല. കാരണം, ഞങ്ങള്ക്ക് ഒരിക്കലും അവരുടെ പാര്ട്ടിയില് നിന്ന് എം എല് എമാരെ ആവശ്യമില്ല. അതുകൊണ്ടു തന്നെ ഇത്തരം ആരോപണങ്ങള് അടിസ്ഥാനരഹിതമാണ്. കോണ്ഗ്രസ് നേതാക്കള് തന്നെ ജെ ഡി എസുമായുള്ള സഖ്യത്തില് താല്പര്യമില്ലാത്തവരാണെന്നും അദ്ദേഹം പറഞ്ഞു.
രാഹുല് ഗാന്ധിയുടെ കീഴില് കോണ്ഗ്രസ് പുതിയൊരു തിയറി രൂപീകരിച്ചിരിക്കുകയാണ്. യുദ്ധത്തില് തോല്ക്കാതെ എങ്ങനെ വിജയിക്കാമെന്നുള്ളതാണ് അതെന്നും അദ്ദേഹം പറഞ്ഞു.
https://www.facebook.com/Malayalivartha
