മുഖ്യമന്ത്രി പിണറായി വിജയനെ വിമർശിച്ച് ​ പ്രതിപക്ഷ നേതാവ്​ രമേശ്​ ചെന്നിത്തല. കേരളത്തിന്‍റെ തീരം അമേരിക്കന്‍ കമ്പനിക്കും മലയാളികളുടെ വിവരങ്ങള്‍ സ്​പ്രിഗ്ലറിനും വില്‍ക്കാന്‍ ശ്രമിച്ചയാളാണ് ​ മുഖ്യമന്ത്രിയെന്ന് അദ്ദേഹം ആരോപിക്കുകയുണ്ടായി. പുതുശ്ശേരിയിലെ കോണ്‍ഗ്രസ്​ നേതാക്കള്‍ ബി.ജെ.പിയിലേക്ക്​ പോയതാണ്​ പണിറായി വിജയന്‍ ആരോപണത്തിനായി എടുത്തുപറയുന്നത്​. എന്നാല്‍, ബംഗാളിലെ കാര്യം എന്തുകൊണ്ടാണ്​ അദ്ദേഹം പറയാത്തതെന്നും രമേശ്​ ചെന്നിത്തല വിമർശിച്ചു.

ബംഗാളില്‍ സി.പി.എം നേതാക്കളും പ്രവര്‍ത്തകരും കുട്ടത്തോടെ ബി.ജെ.പിയിലേക്ക്​ പോകുന്നത്​ തിരക്ക്​ മുലമായിരിക്കും മുഖ്യമന്ത്രി കാണാതിരുന്നതെന്നും ചെന്നിത്തല പരിഹസിക്കുകയുണ്ടായി . രണ്ട്​ സീറ്റില്‍ നിന്ന്​ ഇപ്പോള്‍ കാണുന്ന നിലയിലേക്ക് ബി.ജെ.പിയെ വളര്‍ത്തിയത്​ സി.പി.എമ്മാണെന്നും രാജീവ്​ ഗാന്ധിക്കെതിരെ വാജ്​പേയിയുമായും അദ്വാനിയുമായും കൂട്ടുചേര്‍ന്ന്​ പ്രവര്‍ത്തിച്ചവരാണ്​ സി.പി.എമെന്നും അദ്ദേഹം വ്യക്തമാക്കി.

ആര്‍.എസ്​.എസിന്‍റെയും ബി.ജെ.പിയുടെയും വോട്ട്​ വാങ്ങി ​ജയിച്ച മുഖ്യമന്ത്രി ഇപ്പോള്‍ പറയുന്ന വാഴ്​ത്താരി തമാശയായി കണ്ടാല്‍ മതിയെന്നും ബി.ജെ.പിയുമായി ഒത്തുകളിക്കുകയാണ്​ പിണറായിയെന്നും അദ്ദേഹം പറഞ്ഞു . കേന്ദ്ര ഏജന്‍സികള്‍ കിഫ്​ബിക്കെതിരെ നടത്തുന്ന നീക്കങ്ങള്‍ ബി.ജെ.പിയുമായുള്ള ഒത്തുകളിയുടെ ഭാഗമാണെന്നും കേരളത്തിന്‍റെ വികസനം അട്ടിമറിക്കുന്നുവെന്നും പറഞ്ഞ പ്രതിപക്ഷ നേതാവ് ​ പുരപ്പുറത്ത്​ കയറി വിളിച്ചു പറയാനുള്ള അവസരം മുഖ്യമന്ത്രിക്ക്​ നല്‍കുകയാണ്​ ലക്ഷ്യമെന്നും ആരോപിക്കുകയുണ്ടായി.

ഭരണഘടനാ ലംഘനം പിണറായി സര്‍ക്കാറിന്​ പതിവുള്ളത്​. അതു നമ്മള്‍ നേരത്തെ കണ്ടതാണ്​. എന്നാല്‍, അന്നൊന്നും കേന്ദ്രം ഒരു നടപടിയും എടുത്തിട്ടില്ല. എന്തുകൊണ്ടാണ്​ നടപടി എടുക്കാതിരുന്നതെന്ന രാഹുല്‍ ഗാന്ധിയുടെ ചോദ്യം ഈ സാഹചര്യത്തിലാണ്​. ഐസകിന്‍റെയും പിണറായിയുടെയും വെല്ലുവിളി തമാശയായി കണ്ടാല്‍ മതിയെന്നും രമേശ്​ ചെന്നിത്തല വാര്‍ത്താ സമ്മേളനത്തില്‍ വ്യക്തമാക്കി.