സഞ്ജിത്തിന്റെ മരണത്തിൽ പ്രതികരണവുമായി കെ സുരേന്ദ്രൻ. ആർഎസ്എസ്, ബിജെപി പ്രവർത്തകരെ കൊലപ്പെടുത്തിയിട്ടു കടന്നുകളയാമെന്നാണു വിചാരമെങ്കിൽ അവർ ഓടിയൊളിക്കുന്നതു പൊലീസിൽനിന്നു മാത്രമാകുമെന്ന മുന്നറിയിപ്പാണ് കെ.സുരേന്ദ്രൻ പറഞ്ഞിരിക്കുന്നത് .

ആർഎസ്എസും ബിജെപിയും പഴയതൊന്നും മറന്നിട്ടില്ലെന്നും അദ്ദേഹം പറഞ്ഞു. സഞ്ജിത് വധക്കേസിൽ എസ്ഡിപിഐ പ്രവർത്തകരെ പൊലീസ് സംരക്ഷിക്കുന്നതായി ആരോപിച്ചു ബിജെപി നടത്തിയ സെക്രട്ടേറിയറ്റ് മാർച്ച് സുരേന്ദ്രൻ ഉദ്ഘാടനം ചെയ്തു . കേരള പൊലീസിനു പ്രതികളെ പിടിക്കാൻ ത്രാണിയില്ലെങ്കിൽ അതു തുറന്നു പറഞ്ഞു സഞ്ജിത് വധക്കേസ് എൻഐഎയെ ഏൽപിക്കണമെന്നും അദ്ദേഹം പറഞ്ഞു .

ആഭ്യന്തര വകുപ്പ് സമ്പൂർണ പരാജയമാണ്. സിപിഎം – എസ്ഡിപിഐ കൂട്ടുകെട്ടിന്റെ ഉപകാരസ്മരണയിലാണു പ്രതികളെ പിടികൂടാതിരിക്കുന്നത്. നാട്ടിൽ കലാപമുണ്ടാക്കുകയാണ് ഉദ്ദേശ്യം. സഞ്ചാര, പ്രവർത്തന സ്വാതന്ത്ര്യം പ്രവർത്തകർക്കു നിഷേധിച്ചാൽ നോക്കിനിൽക്കാനാവില്ല.

കാപാലിക സംഘത്തെ നേരിടാനുള്ള കരുത്തു കേരളത്തിലെ ദേശീയ പ്രസ്ഥാനങ്ങൾക്കുണ്ട് എന്നതു പൊലീസ് മറക്കരുതെന്നും സുരേന്ദ്രൻ മുന്നറിയിപ്പായി പറഞ്ഞു,ഈ കേസിൽ അന്വേഷണം നടക്കുകയാണ്.