പൗഡറിടുന്നത് ഇത്ര വലിയ തെറ്റോ? ക്ലാസ് മുറിയിലിരുന്ന് മുഖത്ത് പൗഡറിട്ടതിന് വിദ്യാര്ഥിനിയെ അധ്യാപകന് കരിമഷി പുരട്ടി വെയിലത്ത് നിര്ത്തി
പൗഡറിടുന്നത് ഇത്രയ്ക്കും വലിയ തെറ്റാണോ എന്ന് ചിന്തിക്കേണ്ടിയിരിക്കുന്നു. ഈ അധ്യാപകന് ഈ നൂറ്റിണ്ടിലല്ലേ ജീവിക്കുന്നത്? ഇപ്പോള് പെണ്കുട്ടികള് വീടിനു പുറത്തിറങ്ങുകയാണെങ്കില് അവരുടെ കയ്യില് ഒരു മേക്കപ് സെറ്റും തീര്ച്ചയായും കാണും. കാരണം ഇപ്പോഴുള്ള പെണ്കുട്ടികള് അവരുടെ സൗന്ദര്യത്തെ കുറിച്ച് ചിന്തിക്കുന്നവരാണ്. അവരുടെ കയ്യിലെ മേക്കപ് സെറ്റില് ചീപ്പ്, കണ്ണാടി, പൗഡര്, ഫെസ് വാഷ്, ലിപ്സ്റ്റിക് തുടങ്ങി നിരവധി സാധനങ്ങള് ഉണ്ടാകും.
ഇങ്ങനെയുള്ള കാലത്താണ് ഇവിടെ ഒരു അധ്യാപകന് ക്ലാസ് മുറിയിലിരുന്ന് മുഖത്ത് പൗഡറിട്ടതിന് വിദ്യാര്ഥിനിയെ കരിമഷി പുരട്ടി വെയിലത്ത് നിര്ത്തിയിരിക്കുന്നത്. മട്ടാഞ്ചേരി ആസിയാഭായി സ്കൂളിലാണ് സംഭവം. മട്ടാഞ്ചേരി കപ്പലണ്ടിമുക്കില് സഫീര്ഫൗസിയ ദമ്പതികളുടെ മകളും ആറാം ക്ലാസ് വിദ്യാര്ഥിനിയുമായ സഫാ മര്വക്കാണ് അധ്യാപകന്റെ ശിക്ഷ .
വേനല്ച്ചൂടില് വെയിലത്ത് നിന്ന് അവശയായ വിദ്യാര്ഥിനിയെ ആശുപത്രിയില് പ്രവേശിപ്പിച്ചു. മുഖത്ത് കരിമഷി പുരട്ടിയശേഷം ഉച്ചക്ക് 20 മിനിറ്റോളം വെയിലത്ത് നിര്ത്തിയതായി വിദ്യാര്ഥിനി പറഞ്ഞു. പിന്നീട് ക്ലാസില് കയറ്റിയെങ്കിലും മുഖം കഴുകാന് അനുവദിച്ചില്ലത്രേ. കുട്ടിയുടെ മാതാപിതാക്കള് വിദേശത്താണ്. സംഭവത്തില് പോലീസ് കേസെടുത്തു. അതേസമയം, ക്ലാസില് പൗഡറുമായെത്തി മുഖത്തിട്ടതിന് കുട്ടിയെ ശാസിക്കുക മാത്രമാണുണ്ടായതെന്ന് സ്കൂള് അധികൃതര് വ്യക്തമാക്കി.
https://www.facebook.com/Malayalivartha