ആപ്പിളിന്റെ ചെറിയ രൂപമായ 'ഐ പാഡ്‌ മിനി' ഇനി ലോകത്തിനു സ്വന്തം. 7.9 ഇഞ്ച്‌ വലിപ്പമുള്ള ടാബ്‌ലറ്റാണ്‌ കാലിഫോര്‍ണിയയില്‍ വച്ചു നടന്ന ചടങ്ങില്‍ അവതരിപ്പിക്കപ്പെട്ടത്. ആദ്യം ഇത്‌ ബ്രട്ടീഷ്‌ വിപണിയിലാണെത്തുക. 7.2 മില്ലി മീറ്റര്‍ കനവും 300 ഗ്രാം ഭാരവുമുള്ള ഐപാഡ്‌ മിനിയുടെ അടിസ്ഥാന മോഡലിന്‌ വൈഫേ കണക്‌ടിവിറ്റിയുമുള്ളതാണ്‌. ഈ അടിസ്ഥാന മോഡലിന്‌ ഏതാണ്ട്‌ 18,000 രൂപ വിലവരും.  മറ്റു പല കമ്പനികളുടേയും വലിപ്പം കുറഞ്ഞ സെറ്റുകള്‍ നേരത്തേ തന്നെ വിപണി കൈയ്യടക്കിയിരുന്നു. ഇവയ്‌ക്കൊക്കെ ശക്തമായ വെല്ലുവിളി ഉയര്‍ത്തിക്കൊണ്ടാണ്‌ ആപ്പിള്‍ മിനിയുടെ വരവ്‌. ആദ്യമൊക്കെ ചെറു സെറ്റുകളോട്‌ മുഖം തിരിച്ചു നിന്ന ആപ്പിളിനും ശക്തമായ ആവശ്യത്തെ തുടര്‍ന്ന്‌ ചെറു ടാബ്‌ലറ്റുകള്‍ അവതരിപ്പിക്കേണ്ടി വന്നു. കഴിഞ്ഞ മാര്‍ച്ചില്‍ പുറത്തിറക്കിയ ഐ പാഡ്‌ മൂന്നാം തലമുറയെ അപേക്ഷിച്ച്‌ ഐ പാഡ്‌ മിനിക്ക്‌ 23 ശതമാനം കനവും, 53 ശതമാനം ഭാരവും കുറവാണ്‌.