ഇന്ത്യന് ദേശീയഗാനത്തെ ലോകത്ത് ഒന്നാമതെത്തിച്ച ഷായന് ഇറ്റാലിയ
ലോകത്ത് ഏറ്റവും അധികം ആളുകള് കണ്ട ദേശീയ ഗാന വീഡിയോ എന്ന ഖ്യാതിയുമായി ഒരു വീഡിയോ തരംഗമാകുകയാണ്. ഷായന് ഇറ്റാലിയ എന്ന സംഗീതജ്ഞന് താന് പിയാനോയില് വായിച്ച ജന ഗണ മനയുടെ വീഡിയോ യൂട്യൂബില് പോസ്റ്റ് ചെയ്തത് 2018 ജൂലൈ 29-നാണ്.
ഇന്ത്യ സ്വതന്ത്ര്യമായതിന്റെ 71-ാം വര്ഷം പൂര്ത്തിയാകുന്ന ഓഗസ്റ്റ് 15 എത്തുമ്പോള് 71 ദശലക്ഷം ആളുകള് അത് കണ്ടിട്ടുണ്ടാവണം എന്ന ആഗ്രഹത്തോടെ അപ്ലോഡ് ചെയ്ത ആ വീഡിയോ എട്ടു ദിവസം കഴിഞ്ഞപ്പോള് തന്നെ 4,18,39,928 പേര് കണ്ടു കഴിഞ്ഞിരുന്നു. 8k Utlra HD-ലാണ് ഇത് ഷൂട്ട് ചെയ്യപ്പെട്ടിരിക്കുന്നത്. ഇന്ത്യയില് ഇപ്പോള് നിലവിലില്ലാത്ത ഈ സാങ്കേതിക വിദ്യ ലോകത്തെമ്പാടുമുള്ള മികച്ച സ്റ്റുഡിയോകളുടെ ഒത്തുചേരല് മൂലമാണ് നടത്തിയെടുത്തത്. വീഡിയോ സംവിധാനം ചെയ്തിരിക്കുന്നത് ഡോ. ഫര്ഹാദ് വിജയ് അറോറയാണ്. ഫര്ഹാദ് വിജയ് അറോറ, ഷായന് ഇറ്റാലിയ എന്നിവര് ചേര്ന്നാണ് നിര്മ്മിച്ചിരിക്കുന്നത്.
36 മില്യന് ആളുകള് കണ്ട ഫ്രഞ്ച് ദേശീയ ഗാനത്തെ പിന്തള്ളിയാണ് ഷായന് ഇറ്റാലിയ എന്ന യുവ സംഗീതജ്ഞന് പിയാനോയില് വായിച്ച ജന ഗണമന ഇപ്പോള് ഒന്നാം സ്ഥാനത്തെത്തുന്നത്. ഷായന് ആഗ്രഹിച്ചതുപോലെ തന്നെ ഇക്കഴിഞ്ഞ ഓഗസ്റ്റ് 15 ആയപ്പോഴേക്കും ആ വീഡിയോ 71 ദശലക്ഷത്തിലധികം പേര് കണ്ടുകഴിഞ്ഞിരുന്നു. സെക്കന്ദറാബാദ് സ്വദേശിയായ ഷായന് ഇറ്റാലിയ ഇപ്പോള് ലണ്ടനിലാണ് താമസം. വീഡിയോ വൈറലായപ്പോള് ഷായന് ഓര്ക്കുന്നത് തന്റെ അമ്മയെയാണ്. കാന്സര് രോഗത്തിന് കീഴടങ്ങി കുട്ടിക്കാലത്തേ, തന്നെ വിട്ടുപോയ തന്റെ അമ്മയ്ക്ക്, പിന്നെ തന്റെ മാതൃരാജ്യത്തിനുമാണ് ഷായന് #I Would Stand For Thsi എന്ന ഈ വീഡിയോ സമര്പ്പിച്ചിരിക്കുന്നത്.
1998-ല് ഷായന്റെ കാന്സര് രോഗിയായിരുന്ന അമ്മ മകന് ഗുഡ്ബൈ സമ്മാനമായി ഒരു പിയാനോ വാങ്ങി നല്കി. എന്നാല് കാന്സര് രോഗത്തോടു പോരാടിക്കൊണ്ടിരുന്ന ആ അമ്മയ്ക്ക് മകന് ആ പിയാനോ വായിച്ചു കേള്ക്കാനുള്ള ഭാഗ്യമുണ്ടായില്ല. 2018-ല് ഷായന് വേള്ഡ്സ് ഗ്രാന്ഡസ്റ്റ് പിയാനോ എന്നറിയപ്പെടുന്ന സ്റ്റൈന്വേ ആന്ഡ് സണ്സ് കോണ്സേര്ട്ട് പിയാനോയില് ഇന്ത്യയുടെ ദേശീയ ഗാനം റെക്കോര്ഡ് ചെയ്യുന്നതുമായി ബന്ധപ്പെട്ടു ആന്റണി ഗോമസ് എന്നയാളെ സമീപിച്ചു. അപ്പോള് ഷായന് അറിയില്ലായിരുന്നു, സ്റ്റൈന്വേ ആന്ഡ് സണ്സ് പിയാനോ ഇരുപതു വര്ഷം മുന്പ് തന്റെ അമ്മയ്ക്ക് വിറ്റത് ഇതേ ആന്റണി ഗോമസ് തന്നെയായിരുന്നു എന്ന് .
എന്നാല് കുറച്ചു ദിവസങ്ങള്ക്കുള്ളില് തന്നെ ലോകത്ത് ഏറ്റവും കൂടുതല് ഓണ്ലൈനിലൂടെ കാണപ്പെട്ട വീഡിയോയായി മാറുകയും അതി ഗംഭീരമായ പ്രതികരണങ്ങള് നേടുകയും ചെയ്തെങ്കിലും #I Would Stand For Thsi വീഡിയോയ്ക്കുള്ള കമന്റുകള് ഡിസേബിള് ചെയ്യപ്പെട്ടിരിക്കയാണ്. നിങ്ങളുടെ കമന്റുകള്ക്ക് നന്ദി, പക്ഷേ അത് ഞങ്ങള് ഡിസേബിള് ചെയ്യുകയാണ്. ഇത്, ചെറുപ്പകാലത്ത് തന്നെ എനിക്ക് നഷ്ടപ്പെട്ടു പോയ എന്റെ അമ്മയ്ക്കും പിന്നെ എന്റെ മാതൃരാജ്യത്തിനുമുള്ള ഹൃദയംഗമമായ സമര്പ്പണമാണ്. ഈ സ്ഥലം തര്ക്കരഹിതവും പാവനവുമായി സൂക്ഷിക്കാന് ഞാന് ആഗ്രഹിക്കുന്നു. എനിക്ക് നല്കിയ ബഹുമാനത്തിന് നന്ദി എന്നാണ് അതിന് വിശദീകരണം നല്കി കൊണ്ട് ഷായന് അറിയിച്ചത്.
https://www.facebook.com/Malayalivartha