സാധാരണ ആള്‍ക്കാര്‍ മുതല്‍ സാംസ്‌കാരിക രാഷ്ട്രീയ നേതാക്കള്‍ വരെ ഇപ്പോള്‍ സദാചാരത്തിന്റെ ചര്‍ച്ചയിലാണ്. മലയാളിയുടെ ജീര്‍ണിച്ച മനസിന്റെ പ്രാകൃതാവസ്ഥയാണോ ഈ വിവാദങ്ങള്‍ക്ക് പിന്നില്‍? വിവാദങ്ങള്‍ കത്തിക്കയറുമ്പോള്‍ മലയാളി വാര്‍ത്ത ഒരു ചര്‍ച്ചയ്ക്ക് തുടക്കമിടുകയാണ്. സദാചാരത്തില്‍ കേരള മനസ് എങ്ങനെ ചിന്തിക്കുന്നുവെന്ന്.
പശ്ചാത്തലം
മുഷ്ടി ചുരുട്ടി ഈ സ്‌നേഹ പ്രകടനങ്ങളെ പേടിപ്പിക്കുന്നവര്‍ ഒരറ്റത്ത്. സ്‌നേഹം പരസ്യമായി വിളിച്ച് പറയാനും പ്രകടിപ്പിക്കാനും മടിയില്ലാത്ത ഒരു പുതു തലമുറ മറുവശത്ത്. യേശുദാസ് ജീന്‍സിന്റെ രൂപത്തില്‍ സദാചാരത്തിന്റെ തീക്കനല്‍ വാരിയിട്ട് മലയാളിയുടെ ചിന്തകള്‍ക്ക് തീ പിടിപ്പിച്ചു. ജയ് ഹിന്ദ് ടിവിയുടെ കൗതുകം ഒരു കൂട്ടമാളുകളുടെ ക്രൂരതയ്ക്ക് വഴിമാറിയപ്പോള്‍ കേരളം പകച്ചു. 
കോഴിക്കോട് സദാചാര പേക്കൂത്തുകാരുടെ ക്രൂരതയ്ക്ക് മുമ്പില്‍ നിസഹായരായ വീട്ടമ്മ ആത്മഹത്യ ചെയ്തു. പരസ്യ പീഡനത്തിന് ഇരയായ യുവാവ് ആത്മഹത്യാ ശ്രമത്തിലൂടെ സ്വയം ഒളിക്കാന്‍ ശ്രമിക്കുന്നു. 
സോഷ്യല്‍ മീഡിയയിലൂടെ പൊരുതാന്‍ ഇറങ്ങിയവരേയും പരസ്യമായി സ്‌നേഹ പ്രകടനം നടത്താന്‍ ശ്രമിച്ചവരേയും പൊതിരെ തല്ലുന്ന കാട്ടാളത്തം. 

ചില സദാചാര ചിന്തകള്‍
എന്താണ് സദാചാരം? മാമൂലുകളില്‍ തളയ്ക്കപ്പെട്ട മാനസികാവസ്ഥയാണോ? മൂടിവയ്ക്കപ്പെട്ടവന്റെ പേക്കിനാവുകളാണോ?എതിര്‍ ലിംഗത്തോട് തോന്നുന്ന തീവ്രമായ പ്രണയ ചേഷ്ടകള്‍ മറ്റുള്ളവരെ വഴി തെറ്റിക്കുമോ? എന്താണ് മലയാളികളുടെ അശ്ലീലത്തിന്റെ അളവുകോല്‍? എവിടെയാണ് പോലീസ് ഇടപെടേണ്ടത്? കമിതാക്കളെ പരസ്യമായി അപമാനിക്കുന്ന പോലീസിന്റെ മാനസികാസ്വാസ്ത്യം എന്താണ്?ചുംബനക്കുരു പൊട്ടിയ ഈ കാമഭ്രാന്ത് കേരളത്തെ ഭ്രാന്താലയമാക്കുമോ?നമ്മുടെ ന്യൂ ജനറേഷന്‍ ഡേറ്റിംഗിലേക്കും ഒരല്‍പം ഒരല്‍പ്പം അശ്ലീലതയിലേക്കും കടക്കുമെന്ന് കരുതുന്നുണ്ടോ?ഒരു നിയന്ത്രണം കൊണ്ടുവന്നില്ലെങ്കില്‍ സംസ്‌കാരം ജീര്‍ണിക്കുമെന്ന് നിങ്ങള്‍ കരുതുന്നുണ്ടോ?ഇങ്ങനെ മലയാളിയുടെ അഭിപ്രായം നീളുമ്പോള്‍ മലയാളി വാര്‍ത്ത വായനക്കാരെ ഏകോപിപ്പിക്കുകയാണ്. സോഷ്യല്‍ മീഡിയയിലൂടെ എല്ലാവരും പത്രക്കാരാകുന്ന ഈ അവസരത്തില്‍ നിങ്ങളുടെ അഭിപ്രായത്തിന് വളരെ വിലയുണ്ട്. അനുകൂലിച്ചായാലും പ്രതികൂലിച്ചായാലും നിങ്ങള്‍ക്കൊരു സ്വതന്ത്ര അഭിപ്രായമുണ്ടാകും. ഒരു പക്ഷെ നിങ്ങളുടെ അഭിപ്രായമായിരിക്കാം കേരളം ഇനി ചര്‍ച്ച ചെയ്യുക. ലോകമെമ്പാടുമുള്ള മലയാളി വാര്‍ത്തയുടെ ലക്ഷക്കണക്കിന് വായനക്കാരുടെ മുമ്പിലേക്കാണ് നിങ്ങളുടെ അഭിപ്രായം എത്തുക. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha