പേപ്പര് ചുരുട്ടിക്കൂട്ടിയത് പോലെയുള്ള ത്വക്കുമായി മോഡലിംഗ് രംഗത്ത് തിളങ്ങുന്ന സാറ ഗ്രട്ട്സ്
അമേരിക്കയില് മിനിയാപോളിസില് താമസിക്കുന്ന സാറ ഗ്രട്ട്സ് എന്ന ഇരുപ്പത്തിയേഴുകാരി തന്റെ മേനിയഴക് കൊണ്ടല്ല മറിച്ചു തന്നിലെ കുറ്റങ്ങളും കുറവുകളും അതേപടി ലോകത്തിനു മുന്നില് തുറന്നു കാട്ടിയാണ് ലോക ശ്രദ്ധ നേടിയത്.
എലേഴ്സ് ഡാന്ലോസ് സിന്ഡ്രോം (ഇ ഡി എസ്സ്) എന്ന അപൂര്വ്വരോഗമാണ് സാറയ്ക്ക്. ഇഡിഎസ് രോഗത്തിനു പന്ത്രണ്ട് വകഭേദമുണ്ടെങ്കിലും സാറയ്ക്ക് ത്വക്കിലാണ് പ്രകടമായത്.
ശരീരമാകമാനം ചര്മ്മം ഇടിഞ്ഞു തൂങ്ങിയ നിലയില് ചുളിവുകള് വീണ് ഒട്ടും മനോഹരമല്ലാത്ത ചര്മം. അപകര്ഷതാബോധത്തില് ആണ്ടുപോയൊരു ജീവിതം അവള്ക്കുമുണ്ടായിരുന്നു.
എന്നാല് ജീവിതത്തിന്റെ ഒരു ഘട്ടമെത്തിയപ്പോള് സാറ മാറിചിന്തിച്ചു തുടങ്ങി. തന്റെ ചര്മ്മത്തെ അവള് മറ്റൊരു രീതിയില് കണ്ടു തുടങ്ങി.
ഇഡിഎസിന് എതിരെ ബോധവത്കരണം നടത്താന് ഇതുവഴി സാറ തന്നാലാകുന്നത് ചെയ്യണമെന്ന ചിന്തയാണ് സാറയെ മോഡലിങ് രംഗത്ത് എത്തിച്ചത്.
ശരീരത്തിന്റെ ഏതു ഭാഗത്തെ വേണമെങ്കിലും ഈ രോഗം ബാധിക്കാമെന്നു സാറ പറയുന്നു. രക്തകുഴലുകള്, മസിലുകള് അവയവങ്ങള് എവിടെയും ഇഡിഎസ് പിടികൂടാം.
തന്നെ പോലെ ഈ രോഗം മൂലം അപകര്ഷതാബോധത്തോടെകഴിയുന്ന ഏതൊരാള്ക്കും പ്രചോദനമാകുക എന്നത് തന്നെയാണ് സാറ തന്റെ മോഡലിംഗ് കരിയര് വഴി ഉദേശിക്കുന്നതും.
തനിക്ക് ചുറ്റും പോസിറ്റീവ് എനര്ജി നല്കുന്ന ആളുകളെ കൊണ്ടവള് നിറച്ചു. സങ്കടപെടുത്തുന്ന എല്ലാം അവള് മറക്കാന് ശ്രമിച്ചു തുടങ്ങി. തന്റെ ആത്മസുഹൃത്തായ ബ്രിയാനയാണ് തന്റെ ഏറ്റവും വലിയ പിന്തുണയെന്നു സാറ പറയുന്നു.
https://www.facebook.com/Malayalivartha