ഫേസ്ബുക്കില്‍ പോസ്റ്റ് ചെയ്ത യുവതിയുടെ സ്വന്തം ചിത്രം ബിഎസ്‌എന്‍എല്ലിലെ തൊഴില്‍ നിയമങ്ങള്‍ക്ക് എതിരെന്ന് പ്രാഥമിക കണ്ടെത്തല്‍; ശബരിമല ദര്‍ശനത്തിനെത്തിയ രഹനയ്ക്ക് എതിരെ ബി.എസ്.എന്‍.എല്‍ വകുപ്പുതല അന്വേഷണം ആരംഭിച്ചു...
ശബരിമല ദര്‍ശനത്തിനെത്തിയ രഹനയ്ക്ക് എതിരെ ബി.എസ്.എന്‍.എല്‍ വകുപ്പുതല അന്വേഷണം ആരംഭിച്ചു. രഹനയുടെ ശബരിമല യാത്രയുമായി ബന്ധപ്പെട്ട് നിരവധി പരാതികളാണ് ബിഎസ്‌എന്‍എല്ലിന് ലഭിച്ചത്. യുവതി ഫേസ്ബുക്കില്‍ പോസ്റ്റ് ചെയ്ത സ്വന്തം ചിത്രം ബിഎസ്‌എന്‍എല്ലിലെ തൊഴില്‍ നിയമങ്ങള്‍ക്ക് എതിരെന്നും പ്രാഥമിക കണ്ടെത്തല്‍, വകുപ്പുതല അന്വേഷണത്തിന്റെ ഭാഗമായി ബിഎസ്‌എന്‍എല്‍ സൈബര്‍ സെല്ലിന് കത്തു നല്‍കി. കൊച്ചി ബിഎസ്‌എന്‍ എല്ലില്‍ ജൂനിയര്‍ എഞ്ചിനീയറാണ് യുവതി ഇപ്പോള്‍.
ബോട്ടു ജട്ടിയിലെ ഓഫീസില്‍ നിന്ന് പാലാരിവട്ടത്തേക്ക് അടുത്ത ദിവസം മുതലാണ് ഇവര്‍ക്ക് സ്ഥലം മാറ്റം. അതേസമയം ആരോപണങ്ങള്‍ സംബന്ധിച്ച്‌ രഹനയോ് വിശദീകരണം തേടി. ആഭ്യന്തര അന്വേഷണം നടത്തി തുടര്‍നടപടികള്‍ സ്വീകരിക്കാന്‍ നേരത്തെ ബിഎസ്‌എന്‍എല്‍ തീരുമാനിച്ചിരുന്നു. ടെലഫോണ്‍ മെക്കാനിക്കായി ജോലി ചെയ്തിരുന്ന രഹ്നയെ ജനങ്ങളുമായി നേരിട്ട് സമ്ബര്‍ക്കം വരാത്ത ബ്രാഞ്ചിലേക്കാണ് ഇപ്പോള്‍ മാറ്റിയിരിക്കുന്നത്.
ശബരിമല വിഷയത്തില്‍ രഹ്നയ്ക്കെതിരായ കേസും ആഭ്യന്തര അന്വേഷണത്തിന്റെ പരിധിയില്‍ വരുമെന്ന ബിഎസ്‌എന്‍എല്‍ അറിയിച്ചിരുന്നു. ആഭ്യന്തര അന്വേഷണത്തിന്റെ റിപ്പോര്‍ട്ട് അനുസരിച്ചാകും രഹ്നയ്ക്കെതിരായ തുടര്‍നടപടികള്‍. ശബരിമലയിലെ യുവതി പ്രവേശനവുമായി ബന്ധപ്പെട്ട് വന്‍ പ്രതിഷേധം നിലനിന്ന സാഹചര്യത്തിലായിരുന്നു ആക്ടിവിസ്റ്റും നടിയും മോഡലുമായ രഹന ഫാത്തിമയുടെ മലകയറ്റം. നടപ്പന്തലിലെ വന്‍ പ്രതിഷേധത്തിനൊടുവില്‍ രഹന തിരികെ പോവുകയായിരുന്നു.
https://www.facebook.com/Malayalivartha
