കൊലപാതകം ചെയ്യണമെന്നുള്ളത് എന്റെ ആഗ്രഹമായിരുന്നു... എഴുപത്തിയേഴുകാരിയെ പെണ്കുട്ടി കോടാലി കൊണ്ട് വെട്ടിക്കൊലപ്പെടുത്തി
\'കൊലപാതകം ചെയ്യാന് എനിക്ക് ഒരുപാട് ഇഷ്ടമാണ്. എനിക്ക് തോന്നിയത് ഞാന് ചെയ്യും\' ഇത് ആരുടെ വാക്കുകളാണെന്നല്ലേ? എഴുപത്തിയേഴുകാരിയെ ക്രൂരമായി വെട്ടിക്കൊലപ്പെടുത്തിയ പെണ്കുട്ടിയുടെ വാക്കുകളാണിത്. കൊലപാതകം ഏത് പ്രായത്തിലുള്ളവര് ചെയ്താലും അത് കുറ്റം തന്നെയാണ്. അതിന് അതിന്റെതായ ശിക്ഷ കൊടുക്കുകയും വേണം. കോടാലി ഉപയോഗിച്ച് വെട്ടിനുറുക്കുന്നതും ക്രൂരമായ കുറ്റം തന്നെയാണ്. പത്തൊന്പത് വയസുകാരി എഴുപത്തിയേഴുകാരിയെ ക്രൂരമായി വെട്ടികൊലപ്പെടുത്തിയതാണ് ഇന്ന് കൂടുതലും ചര്ച്ച ചെയ്യുന്നത്. \'എനിക്ക് കൊല്ലണമെന്ന് തോന്നി...കൊന്നു\' അതാണ് ഇപ്പോഴും ആ കൗമാരക്കാരി പറയുന്ന വാക്കുകള്. ലോകത്തെ ഞെട്ടിക്കുന്ന ഈ സംഭവം നടന്നത് ജപ്പാനിലാണ്. എഴുപത്തിയേഴുകാരിയായ തൊമോകോ മോറിയാണ് ഈ കൗമാരകാരിയുടെ ക്രൂരവിനോദത്തിന് ഇരയായത്. രസത്തോടെയാണ് ഇവള് കൊലപാതകത്തെ വീക്ഷിക്കുന്നത്.
നഗോയ സര്വകലാശാലയിലെ വിദ്യാര്ത്ഥിനിയായ പെണ്കുട്ടി തനിക്ക് ചെറുപ്പം മുതലേ ആരെയെങ്കിലും കൊല്ലണമെന്ന് ആഗ്രഹമുണ്ടായിരുന്നെന്ന് പൊലീസിനോട് പറഞ്ഞു. അത് ഏത് പ്രായക്കാരായാലും തനിക്ക് പ്രശ്നമില്ലയെന്നും അവര് പറയുന്നു. തന്റെ മതവിഭാഗത്തില് ചേരണമെന്ന അഭ്യര്ത്ഥനയുമായി തൊമോകോ മോറി എന്ന വൃദ്ധ ഇവളുടെ മുന്നില് എത്തിപ്പെടുകയായിരുന്നു. മധ്യ ജപ്പാനിലെ നഗോയയിലുള്ള വിദ്യാര്ത്ഥികളുടെ അപ്പാര്ട്ട്മെന്റിലേക്ക് ഇവരെ കൊണ്ടു പോയാണ് പെണ്കുട്ടി കൊലപ്പെടുത്തിയത്. കോടാലി കൊണ്ട് വെട്ടിയ ശേഷവും വയോധികയ്ക്കു ജീവന് പോയിട്ടില്ലെന്ന് വ്യക്തമായതോടെ ഇവള് അവരെ ശ്വാസം മുട്ടിച്ച് കൊലപ്പെടുത്തുകയായിരുന്നു. താന് ആ വയോധികയെ കൊലപ്പെടുത്തിയെന്ന് സ്വയം ട്വിറ്ററില് പോസ്റ്റ് ചെയ്യുകയായിരുന്നു. പെണ്കുട്ടിയ്ക്കു പ്രായപൂര്ത്തിയായിട്ടില്ലാത്തതിനാല് അവരുടെ പേരും മറ്റ് വിവരങ്ങളും പുറത്ത് വിടാന് പാടില്ലെന്ന നിയമം ജപ്പാനില് ഇപ്പോഴുമുണ്ട്.പെണ്കുട്ടിയ്ക്കു മാനസികമായി ചില പ്രശ്നങ്ങള് ഉണ്ടായിരുന്നുവെന്നും പോലീസ് പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha