ചെവി വലുതായതിനാല് അമ്മ മകനെ കൊന്നു
കാക്കയ്ക്ക് തന്കുഞ്ഞ് പൊന്കുഞ്ഞ് എന്ന് പറഞ്ഞു കേട്ടിട്ടില്ലേ. എന്നാല് ആ പൊന് കുഞ്ഞിന് സൗന്ദര്യം പോരെന്ന് പറഞ്ഞ് മകനെ അമ്മ കൊന്നു കളഞ്ഞു. തുര്ക്കിയിലെ നുറേ സകന് എന്ന മുപ്പത്തിയേഴുകാരിയാണ് തന്റെ പൊന്നോമനയെ ഇല്ലാതാക്കിയത്.
തന്റെ 10 വയസ്സുകാരനായ മകന്റെ ചെവിയുടെ വലിപ്പ കൂടുതല് ആ അമ്മയെ അസ്വസ്തമാക്കി. അവസാനം തുര്ക്കിയുടെ തലസ്ഥാനമായ അങ്കാരയിലുള്ള ഗാസി ആശുപത്രിയെ സമീപിച്ചു. ചെവിയുടെ വലിപ്പക്കൂടുതല് അവന്റെ ഭംഗി കെടുത്തുന്നുവെന്നും തന്മൂലം കോസ്മെറ്റിക് സര്ജറി നടത്തി അവനെ കാണാന് സുന്ദരനാക്കിത്തരണമെന്നുമായിരുന്നു അമ്മയുടെ ആവശ്യം. ചെവിയുടെ വലിപ്പം ശസ്ത്രക്രിയയിലൂടെ കുറച്ചു തരാമെന്ന് ഡോക്ടര്് സമ്മതിച്ചു.
ശസ്ത്രക്രിയയ്ക്കുശേഷം മകനെ കണ്ടപ്പോള് അമ്മ ഞെട്ടിപ്പോയി. ശസ്ത്രക്രിയ ശരിയായില്ലെന്നും അവന്റെ വൈരൂപ്യം കൂടിയതേ ഉള്ളൂയെന്നുമായിരുന്നു അവരുടെ ആദ്യ പ്രതികരണം. എന്നാല് അല്പ സമയത്തിനുശേഷം ചെറിയ പരുക്കുകളോടെ ആംബുലന്സില് നുറേ സകനെ ആശുപത്രിയില് കണ്ടപ്പോള് ആശുപത്രി അധികൃതര് അന്ധാളിച്ചു പോയി. ഇതെങ്ങനെ പറ്റി എന്ന് ചോദ്യം ചെയ്തപ്പോള് അവര് പറഞ്ഞ കാര്യങ്ങള് കേട്ട് അധികൃതര് ഞെട്ടിപ്പോയി.
മകന്റെ ചെവിയുടെ വലിപ്പക്കൂടുതലിനെ കുറിച്ചുള്ള മറ്റു കുട്ടികളുടെ കളിയാക്കലുകള് സഹിക്കാന് വയ്യാത്തതു കൊണ്ടാണ് ശസ്ത്രക്രിയയ്ക്കായി കാശു മുടക്കിയത്. എന്നാല് ശസ്ത്രക്രിയ കഴിഞ്ഞ് അവനെ കണ്ടപ്പോള് അതുകൊണ്ട് ഒരു പ്രയോജനവും കിട്ടിയതായി തോന്നിയില്ല. ജീവിതകാലം മുഴുവന് അവന് പരിഹാസം നേരിടേണ്ടി വരുന്നതില് നിന്നും അവനെ രക്ഷിച്ചു. ആശുപത്രിയിലെ ടോയ്ലറ്റില് കൊണ്ടു പോയി തന്റെ സ്കാര്ഫ് ഉപയോഗിച്ച് അവനെ ശ്വാസം മുട്ടിച്ച് കൊന്നിട്ടാണ് അവര് പുറത്തു പോയതെന്നുമായിരുന്നു വെളിപ്പെടുത്തല്. മകനെ കൊന്നിട്ട് കാറില് പാഞ്ഞു പോകുന്നതിനിടെ മറ്റൊരു വാഹനവുമായി കൂട്ടിമുട്ടി പരുക്കേറ്റതിനാലാണ് ആംബുലന്സില് ആശുപത്രിയിലെത്തിച്ചത്.
ശസ്ത്രക്രിയ പരാജയമായിരുന്നു എന്ന അവരുടെ ആരോപണം ഡോക്ടര്മാര് തള്ളിക്കളഞ്ഞു. ശസ്ത്രക്രിയ പൂര്ണ്ണ വിജയമായിരുന്നെന്നും അല്പ ദിവസങ്ങള്ക്കുള്ളില് ശസ്ത്രക്രിയാ മുറിവ് ഉണങ്ങിക്കഴിയുമ്പോഴേക്കും എല്ലാം ഭംഗിയാവുമായിരുന്നുവെന്നും അവര് പറയുന്നു. അതേ സമയം മകനെ കൊന്ന കുറ്റത്തിന് ആ അമ്മയെ പോലീസ് അറസ്റ്റു ചെയ്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha