ശവപ്പെട്ടിയില് കിടന്നാല് കഷ്ടകാലമേ ഗോവിന്ദ
ഈ ലോക ജീവിതത്തിലെ കഷ്ടകാലം എന്നു തീരും ദൈവമേ എന്നു ചോദിക്കുന്ന നിരവധി ആളുകള് നമുക്കിടയില് ഉണ്ട്. ചിലപ്പോല് നാം തന്നെ അങ്ങനെ ചോദിച്ചിട്ടുമുണ്ടാകും. എന്നാല് ശവപ്പെട്ടിയില് കിടന്നാല് കഷ്ടകാലത്തിനോട് ഗുഡ്ബൈ പറയാനുള്ള കുറുക്കുവഴിയെന്നാണ് തായ്ലന്ഡില് നിന്നുള്ള വാര്ത്തകള്. ബുദ്ധ വിശ്വാസത്തിന്റെ ഭാഗമായിട്ടായിരുന്നു ഈ ചടങ്ങ് നടത്തിയത്.
കുടുംബ ജീവിതത്തില് നിന്ന് ദൗര്ഭാഗ്യങ്ങള് പൂര്ണമായും ഒഴിഞ്ഞുപോകാന് ശവപ്പെട്ടിയില് കിടപ്പ് ചടങ്ങ്, തായ്ലന്ഡിലാണ് ഈ അപൂര്വ ചടങ്ങ് ഇപ്പോഴും നടക്കുന്നത്. കഴിഞ്ഞദിവസം ബാങ്കോക്കിലെ ഒരു ക്ഷേത്രത്തില് ഈ ചടങ്ങ് നടന്നു. സത്യസന്ധമായ പ്രണയം, വിശ്വസ്തത, ഉപദ്രവങ്ങളില് നിന്നുള്ള സുരക്ഷ എന്നിവ ചടങ്ങു കഴിയുന്നതോടെ ദമ്പതികള്ക്ക് കൈവരുമെന്നാണ് വിശ്വാസം. സന്യാസിമാരാണ് ചടങ്ങുകള് പൂര്ണമായും നടത്തുന്നത്.ഇതില് പങ്കെടുക്കാന് എത്തിയത് എട്ടു ദമ്പതികളായിരുന്നു. ചടങ്ങു മുഴുവന് വീഡിയോയില് പകര്ത്തുകയും ചെയ്തിരുന്നു.
നല്ല വസ്ത്രങ്ങളണിഞ്ഞ് നെഞ്ചത്ത് പൂക്കള് കൊണ്ടുള്ള ബെക്കെയും വച്ച് പിങ്ക് നിറമുള്ള വലിയ ശവപ്പെട്ടിയിലാണ് ചടങ്ങിന്റെ ഭാഗമായി ദമ്പതികള് കിടക്കുക. ഉടന്തന്നെ സന്യാസിമാര് ഇവരെ പതുപതുത്ത ഒരു വെള്ളഷീറ്റ് കൊണ്ടു മൂടും. കുറച്ചുകഴിഞ്ഞ് ഷീറ്റ് പതിയെ മാറ്റും. ഇതോടെ ദമ്പതികളുടെ ശരീരത്തില് നിന്നും മനസില് നിന്നും സകല ദൗര്ഭാഗ്യങ്ങളും മാറുമെന്നാണ് അനുഭവസ്ഥര് പറയുന്നത്. ജീവിതം ശാശ്വതമല്ലെന്ന് മനസിലാക്കി അതിനനുസരിച്ച് ജീവിക്കാന് ദമ്പതികളെ പ്രാപ്തമാക്കുക എന്ന ലക്ഷ്യംകൂടി ഈ ചടങ്ങുകള്ക്കുണ്ട്. ജീവിതം വളരെ ചെറുതാണെന്ന ഓര്മ്മപ്പെടുത്തലും ഇതിനു പിന്നിലുണ്ട.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha